މަރުގެ އަދަބު ތަންފީޒު ކުރުމާ މެދު ސަރުކާރުގެ ވިސްނުން ސާފުކޮށްދިނުން މާދަމާ
މަރުގެ އަދަބު ތަންފީޒު ކުރުމާ މެދު ސަރުކާރުގެ ވިސްނުން ސާފުކޮށްދެއްވުމަށް އެދިވަޑައިގެންނެވީ ޕީޕީއެމްގެ މަހިބަދޫ ދާއިރާގެ މެންބަރު އަހުމަދު ތޯރިގް ހުށައެޅުއްވި މައްސަލަ މާދަމާގެ ޖަލްސާއަށް އެޖެންޑާކޮށްފިއެވެ.
ތޯރިގް އެދިވަޑައިގެންފައި ވަނީ ދިވެހިރާއްޖޭގެ ސުޕްރީމް ކޯޓުން މަރުގެ ހުކުމް އިއްވައިފައިވާ މީހުންގެ ތެރެއިން ހުކުމް ތަންފީޒު ކުރުމަށް އިސްލާމީ ޝަރީއަތުގައިވާ ގޮތުގެ މަތީން ހުރިހާ އިޖުރާއަތްތައް ފުރިހަމަވާ ގައިދީންގެ މައްޗަށް މަރުގެ ހުކުމް ތަންފީޒު ކުރުމުގައި މި ސަރުކާރުގެ ސިޔާސަތަކީ ކޮބައިތޯ ސާފުކޮށް ދެއްވުމަށެވެ. އަދި އެފަދަ ފަރާތްތަކުގެ ހުކުމް މި ސަރުކާރުން ތަންފީޒު ކުރާނެތޯ ސާފުކޮށްދޭން ވެސް ތޯރިގު ހުށަހަޅުއްވައިފައި ވެއެވެ.
ކުރީގެ ރައީސް ، ރައީސް ޢަބްދުﷲ ޔާމީންގެ ވެރިކަމުގައި މަރުގެ ހުކުމް ތަންފީޒު ކުރެއްވުމަށް ޓަކައި ހޯމް މިނިސްޓްރީން ގަވައިދުތައް ހަދައި ވަރަށް ގިނަ މަސައްކަތްތައް ވަނީ ކޮށްފައެވެ. ނަމަވެސް އެއްވެސް ފަރާތެއްގެ މައްޗަށް މަރުގެ ހުކުމް ތަންފީޒުކޮށްފައެއް ނުވެއެވެ.
މި ސަރުކާރުން ވެސް ވަނީ މަރުގެ ހުކުމް ތަންފީޒު ކުރާނެ ކަމަށް ބުނެފައެވެ. އެހެނނަމަވެސް އެކަން ކުރާނީ ޝަރުއީ ދާއިރާއަށް ރައްޔިތުންގެ ފުރިހަމަ އިތުބާރާއި ޔަޤީންކަން ލިބުމުން ކަމަށް ސަރުކާރުން ވަނީ ބުނެފައެވެ.
މަރުގެ ހުކުމް ތަންފީޒުކުރަން ސަރުކާރުގެ ވިސްނުން ބޭނުން ޖެހޭ ކަމެއްތޯ ތިޔައީ އެއްވެސް ބެޔެއްގެ ވިސްނުމަށް އަންނަ ގޮތަކުން ކުރާ ކަމެއްނޫން ﷲ ހަކުމް ތަންފީޒު ކުރަން ޖެހޭނީ އެކަމަށް ﷲ އެންގެވި ގޮތަށް ! ޝައްކު އުފެދޭ ފަޑިޔާރުންގެ މަޖިލިސްތަކުން ކުރާ ހުކުމް ތަންފީޒު ކުރެވިދާނެތޯ ؟