ކުމުންދޫގެ ހިތްގައިމު ނޭޗަރ ޕާކުގައި ބަޔަކު ރޯކޮށްލައިފި

ހދ. ކުމުންދޫގައި ހުންނަ ހިތްގައިމު ނޭޗަރ ޕާކުގެ ވެހިސަރާގައި ބަޔަކު ރޯކޮށްލައިފިއެވެ.

Ads by Hajj Corporation

ކުމުންދޫ ކައުންސިލުން ބުނެފައި ވަނީ އެ ތަނުގައި ބަޔަކު ރޯކޮށްލައިފައިވާ ކަމަށާއި ބެލެވޭ ގޮތުގައި މިކަން ކޮށްފައި ވަނީ ރޭ ފަތިހުގެ ވަގުތެއްގައި ކަމަށެވެ.

ކުމުންދޫ ނެޗަރ ޕާކް ވެހިސަރާއަކީ ކުމުންދޫގެ ޖަމްޢިއްޔާއެއް ކަމަށްވާ ކުރެވި ޖަމްޢިއްޔާއިން ތަަރައްގީކޮށް އެރަށު ކައުންސިލާއި ހަވާލުކޮށްފައިވާ ތަނެކެވެ.

މި މައްސަލަ މިހާރު ވަނީ ފުލުހުންނަށް ހުށައަޅާފައިކަމަށް ވެސް ކުމުންދޫ ކައުންސިލުން މަޢުލޫމާތު ދެއެވެ. ކުމުންދޫގެ ނޭޗަރ ޕާކަކީ ގިނަ ބަޔަކު ޝައުގުވެރިކަން ދަމައިގަނެފައިވާ ހިތްގައިމު ސަރަހައްދެކެވެ.

ރައީސް ސޯލިހު އެ ރަށަށް ވަޑައިގެން އެ ޕާކު ސަރަހައްދުގައި ނެންގެވި ފޮޓޯތަކަށް ވެސް ގިނަ ބައެއްގެ ސަމާލުކަން ލިބިފައިވެއެވެ.