ބެއިރޫތުގައި ބާރުގަދަ އެއްޗެއް ގޮވާ 10 މީހުން މަރުވެއްޖެ!
ލުބްނާންގެ ބެއިރޫތުގައި ބާރުގަދަ އެއްޗެއް ގޮވާ، 10 ވަރަކަށް މިހުން މަރުވެއްޖެއެވެ.
މިހާދިސާގެ ސަބަބުން އެތައް ބަޔަކު ޒަޚަމްވެ، ބައެއް އިމާރާތްތައް ވެސް ހަލާކުވެފައިވެއެވެ. އޭގެ ތެރޭގައި އެޤައުމުގެ ކުރީގެ ބޮޑު ވަޒީރުގެ ގެއެއް ވެސް ހިމެނޭ ކަމަށް ރިޕޯޓުތަކުން ބުނެއެވެ.
ރޮއިޓާރސް އިން މައުލޫމާތު ދީފައިވާ ގޮތުގައި، ބެއިރޫތުގައި ބާރުގަދަ އެއްޗެއް ގޮވުމުގެ ސަބަބުން މިހާރު އެސަރަޙައްދުގައި ވަނީ އަލިފާން ވެސް ރޯވެފައެވެ. ގޮވީ ކޮން އެއްޗެއް ކަމެއް، އަދި އެހާދިސާ ހިނގިގޮތުގެ ތަފްސީލެއް ހާމަވެފައެއް ނުވެއެވެ.
މަންޒަރު ދުށް ބައެއް ފަރާތްތަކުން ބުނެފައިވަނީ، ގޮވީ ބާރުގަދަ އެއްޗެއް ކަމަށާއި އެއީ ނިއުކްލިއަރ ބޮމެއް ކަމަށް ލަފާ ކުރެވޭ ކަމަށެވެ.
ލުބްނާންގެ އިންޓާރނަލް ސެކިއުރިޓީ ޗީފް އައްބާސް އިބްރާހިމް ވިދާޅުވީ މިހާދިސާ ހިނގާފައިވަނީ ބާރުގަދަ އެއްޗެއް ގޮވާފާނެ ސަރަޙައްދެއްގައި ކަމަށާއި ނަމަވެސް ގަސްތުގައި ބާރުގަދަ އެއްޗެއް ގޮއްވާލީ ކަމަށް ނުބެލެވޭ ކަމަށެވެ.
ބައެއް ފަރަތްތަކުން ބުނާ ގޮތުގައި އެސަރަޙައްދުގައި ހަވާ އަރުވަން ބޭނުންކުރާ ތަކެއްޗާއި ފަސޭހައިން ހުޅު ހިފާނޭކަހަލަ ފަރޓިލައިޒަރ ވެސް ހުރި ކަމަށެވެ.
މިހަމަލާގައި އިޒްރޭލުގެ އެއްވެސް އަތެއް ނުވާކަމަށް މިހާރުވެސް އެމީހުން ވަނީ ބުނެފައެވެ.
