މާލޭގެ މިސްކިތްތައް މަރާމާތުކުރަން 13 މިލިއަން ރުފިޔާ ބޭނުންވޭ: ސިޓީ ކައުންސިލް

މާލެ ސިޓީ މިސްކިތްތަކުގެ އާބާތުރަ ފިލުވަން 13 މިލިއަން ރުފިޔާ ބޭނުންވާ ކަމަށް ސިޓީ ކައުންސިލުން ބުނެފިއެވެ.

Ads by STELCO

މާލެ ސިޓީ ކައުންސިލުން އާންމުކޮށްފައިވާ އަހަރީ ރިޕޯޓުގައި ބުނެފައިވާ ގޮތުގައިި މާލޭގެ މިސްކިތްތައް ފޮޅާ ސާފުކުރުމާއި ބޭރާއި އެތެރެ ކުނިކެހުން އަދި މަރާމާތު ކުރަން ޖެހިފައިވޭތޯ ބެލުން އެއީ ކޮންމެ ދުވަހަކު އެ ކައުންސިލުން ކުރަމުން އަންނަ ކަމެކެވެ.

އަހަރީ ރިޕޯޓުގައިވާ ގޮތުން މާލޭގެ މިސްކިތްތައް މަރާމާތު ކުރުމަށް 13 މިލިއަން ރުފިޔާ ބޭނުންވެއެވެ. އޭގެ ތެރެއިން އެއް މިލިއަން ރުފިޔާ ދައުލަތުގެ ބަޖެޓުން ދީފައިވާއިރު އިތުރު ފައިދާ ހޯދުމަށް ދައުލަތުގައި އެދިފައިވާ ކަމަށް ވެސް ބުނެފައިވެއެވެ.

މާލޭގެ މިސްކިތްތަކުގެ ތެރެއިން 6 މިސްކިތެއް ތިން މިލިއަން ރުފިޔާ ހަރަދުކޮށްގެން އާއްމުންގެ އެހީގައި މަރާމާތު ކުރަމުން އަންނައިރު ސިޓީ ކައުންސިލްގެ އާމްދަނީން އެއް މިލިއަން ވަނީ މިސްކިތްތައް މަރާމާތު ކުރަން ހާއްސަކޮށްފައެވެ.

"އަޅުގަނޑުމެންގެ އަމާޒަކީ، މާލެ ސިޓީގެ އެންމެ ޒީނަތްތެރި ބިނާތަކަކީ މިސްކިތްތަކަށް ހެދުން. އިސްލާމީ ތައުލީމާއި ތަރުބިއްޔަތުގެ މަރުކަޒުތަކަށް މިސްކިތްތައް ވުން. ސީސީޓީވީ ނިޒާމުން ހުރިހައި މިސްކިތެއް ގުޅާލައި ނިމުނީމަ 24 ގަޑިއިރު މިސްކިތްތަކުގެ އެތެރެއާއި ބޭރު މޮނިޓަ ކުރަމުން ގެންދާނަން. މިސްކިތްތަކުގެ ރައްކާތެރިކަމަށް ހާއްސަ ސަމާލުކަމެއް ދޭނަން" މާލެ ސިޓީ ކައުންސިލުން ބުނެފައިވެއެވެ.

މާލެ ސިޓީގެ މިސްކިތްތައް ސީސީޓީވީ ކެމެރާއިން ގުޅައިލާން ކުރެވެމުން އަންނަ މަސައްކަތުގެ 90 އިންސައްތަ މިހައިތަނަށް ނިންމައިލެވިފައިވާ ކަމަށާއި މި މަހުގެ ތެރޭގައި މާލެ-ވިލިމާލޭގެ މިސްކިތްތަކުގައި ސީސީޓީވީ ހަރުކޮށް ނިންމައިލެވޭނެ ކަމަށެވެ،