ލަންކާގައި އުޅޭ ދިވެހިން ނުރައްކަލުގެ ތެެރެއަށް ވައްޓައިލުމުގެ ހައްގު އެއްވެސް މީހަކަށް ލިބިގެންނުވޭ: އަލީ ރަމީޒް

ސްރީލަންކާގައި ދިރިއުޅޭ ދިވެހި ރައްޔިތުން ނުރައްކަލުގެ ތެެރެއަށް ވައްޓައިލުމުގެ ހައްގު އެއްވެސް މީހަކަށް ލިބިގެންނުވާކަމަށް އަލީ ރަމީޒް ވިދާޅުވެއްޖެއެވެ.
އަލީ ރަމީޒް މިހެން ވިދާޅުވީ ސްރީލަންކާގެ ރައީސް ގޮޓަބަޔަ ރާޖަޕަކްސަ ގައުމު ދޫކުރައްވައި ރާއްޖެ ވަޑައިގެންފައިވާތީ އެކަމަށް އިޝާރަތް ކުރައްވައެވެ.
ލަންކާގެ ރައްޔިތުން އެ މަނިކުފާނާ ދެކޮޅަށް ނިކުތުމުން ކުރިމަތިވެފައިވާ ފިއްތުންތަކާ ގުޅިގެން މިއަދު އިސްތިއުފާ ދެއްވަން ހަމަޖެހިފައިވާ ގޮޓަބަޔަ ގައުމު ދޫކުރައްވައި ފިއްލަވައިގެން ރާއްޖެ ވަޑައިގަތީ ރޭ ދަންވަރުއެވެ. ގޮޓަބަޔަ ދަތުރުކުރެއްވި އަސްކަރީ މަތިންދާ ބޯޓު ވެލާނާ އިންޓަނޭޝަނަލް އެއާޕޯޓުގައި ޖެއްސުމުގެ ހުއްދަ ރާއްޖޭގެ އެއާޓްރެފިކް ކޮންޓްރޯލުން ފުރަތަމަ ދީފައިނުވާ ކަމަށާއި އަސްކަރީ މަތިންދާ ބޯޓު ޖެއްސީ ރައްޔިތުންގެ މަޖިލީހުގެ ރައީސް މުޙައްމަދު ނަޝީދު މެދުވެރިވެގެންކަމަށް ސީއެންއެންއިން ރިޕޯޓުކޮށްފައިވެއެވެ.
އެކަމާ ގިނަ ބަޔަކު އަންނަނީ ކަންބޮޑުވުން ފާޅުކުރަމުންނެވެ.
އެ ގޮތުން އަލީ ރަމީޒް ވިދާޅުވީ ދިވެހި ރައްޔިތުންނާއި ލަންކާ ރައްޔިތުންނާ ދެމެދު އޮތް ޒަމާންވީ ގުޅުމަށް ބުރޫ އަރުވާލައި ލަންކާގައި ދިރިއުޅޭ 16000 ދިވެހި ރައްޔިތުން ނުރައްކަލުގެ ތެެރެއަށް ވައްޓައިލުމުގެ ހައްގު އެއްވެސް މީހަކަށް ލިބިގެންނުވާ ކަމަށެވެ.






ކޮމެންޓް
މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.