އިސްރާފުވާކަމަށް ބުނެ ދަރިވަރުންނަށް ނާސްތާ ނުދޭން ސަރުކާރުން ނިންމައިފި

ދަރިވަރުންނަށް ހެނދުނުގެ ނާސްތާ ހަމަޖައްސައިދިނުމަށް ކުރިއަށް ގެންދިޔަ ޕްރޮގްރާމް ހުއްޓައިލަން ސަރުކާރުން ނިންމައިފިއެވެ.

އެ ޕްރޮގްރާމް ހުއްޓައިލަން ނިންމި ސަބަބެއްކަމަށް އެޑިއުކޭޝަން މިނިސްޓަރު ޑރ.ޢާއިޝަތު ޢަލީ ވިދާޅުވީ ނާސްތާ ޕްރޮގްރާމުން ހިނގާ އިސްރާފު ނިމުމަކަށް ގެނެސް އެ ޕްރޮގްރާމަކީ ބޭނުންޖެހިފައިވާ ދަރިވަރުންނަށް ޚާއްސަ ޕްރޮގްރާމަކަަށް ހެދުމަށް ކަމަށެވެ.

''ކުރިއަށް އޮތް ތަނުގައި މި ޕްރޮގްރާމް ވެގެންދާނީ ނީޑް ބޭސްޑް ޕްރޮގްރާމަކަށް.''

ދަރިވަރުންނަށް ހެނދުނުގެ ނާސްތާ ހަމަޖައްސައިދިނުމަށް ކުރިއަށްގެންދިޔަ ޕްރޮގްރާމް ފެށީ 2019 ގައެވެ. އެ ޕްރޮގްރާމަކީ ރައީސް އިބްރާހިމް މުޙައްމަދު ޞާލިޙްގެ ފުރަތަމަ 100 ދުވަހުގެ އެޖެންޑާގައި ހިމެނޭ ކަމެކެވެ.