ޖާނުން ފިދާވެގެން އިންޑިއާގެ ވެރިޔަކު މަރާލަން އުޅުނު އައިއެސް މީހެއް ރަޝިއާއިން ހިފަހައްޓައިފި
ޖާނުން ފިދާވެގެން އިންޑިއާގައި ބޮމުގެ ހަމަލާއެއް ދޭން އުޅުނު މީހެއް ރަޝިއާއިން ހިފަހައްޓައިފިއެވެ.
ރަޝިއަން ސެކިއުރިޓީ ފެޑްރަލް ސާވިސްއިން ދެންމެ އާއްމު ކުރި ބަޔާނެއްގައި ބުނެފައިވަނީ، މެދުއިރުމަތީ އޭޝިއާގެ ޤައުމަކަށް ނިސްބަތްވާ މިމީހާ ހައްޔަރުކޮށްފައިވަނީ އިންޓެލް މައުލޫމާތު ލިބިގެން ކަމަށެވެ. އަދި އެ މީހާ އުޅެމުން ދިޔަތަން ބަލާ ފާސްކުރިއިރު، ބޮމެއް ގޮއްވާލަން ރާވާފައިހުރި ރޭވުންތައް ފެނިފައިވާ ކަމަށާއި ބޮން ގޮއްވާލައިގެން މަރާލަން އުޅެފައިވަނީ އިންޑިއާގެ މަތީ ވެރިއެއް ކަމަށް އެ ބަޔާނުގައިވެއެވެ.
ހައްޔަރު ކުރި މީހާގެ ޤައުމެއް، އަދި ރަޝިއާގައި އޭނާ ކުރަމުން ދިޔަ މަސައްކަތެއް އެ ބަޔާނުގައި ތަފްސީލް ދީފައެއް ނުވެއެވެ. ނަމަވެސް ބުނެފައިވަނީ، ބޮން ހެދުމުގެ ޓްރެއިނިން އެ މީހާ ހަދާފައިވަނީ ތުރުކީން ކަމަށެވެ. އަދި މަރާލަން މަސައްކަތްކޮށްފައިވަނީ ކާކު ކަމެއް ވެސް ހާމަކޮށްފައެއް ނުވެއެވެެ.
Ads by STO
