މިދިޔަ ދެ ހަފުތާގައި ކޮވިޑް ކޭސްތަކުގެ އަދަދު އެއްވަރެއްގައި

މިދިޔަ ހަފުތާގައި ރާއްޖެއިން ކޮވިޑަށް ޕޮޒިޓިވްވީ 68 މީހުން ކަމަށް އެޗްޕީއޭގެ ހިސާބުތަކުން ދައްކައިފިއެވެ.

Ads by Sosun Fihaara

އެޗްޕީއޭގެ ހިސާބުތަކުން ދައްކާ ގޮތުން މިދިޔަމަހުގެ 28 ވަނަ ދުވަހުން ފެށިގެން މި މަހުގެ ނިޔަލަށް މާލެ ސަރަހައްދުން ޕޮޒިޓިވްވީ 16 މީހުންނެވެ. އަދި އެހެނިހެން ރަށްރަށުން 27 މީހުން ޕޮޒިޓިވްވިއިރު, ދެން ތިބި 25 މީހުންނަކީ ސިނާއީ މަސައްކަތް ކުރާ ރަށްރަށާއި ރިސޯޓުތަކުން ޕޮޒިޓިވްވި މީހުންނެވެ.

އެޗްޕީއޭއިން ޢާންމުކުރި ތަފާސް ހިސާބުތަކުން ދައްކާ ގޮތުން މިދިޔަ މަހުގެ 21 އިން 27 އަށް ރާއްޖެއިން ޕޮޒިޓިވްވީ ވެސް ޖުމްލަ 68 މީހުންނެވެ.

މިހާތަނަށް ރާއްޖެއިން ކޮވިޑްގެ 184,924 ކޭސް ފެނިފައިވެއެވެ. ކޮވިޑުގައި ބަލީގައި ނިޔާވި މީހުންގެ ޢަދަދަކީ 308 އެވެ.