ރައީސް ޔާމީން ބޮޑުތިލަދުންމައްޗަށް ފުރާވަޑައިގެންފި
އިދިކޮޅު ޕްރޮގްރެސިވް ކޮންގްރެސް ކޯލިޝަނުގެ ލީޑަރު އަދި ކުރީގެ ރައީސް ޔާމީން ޢަބްދުލްޤައްޔޫމް ބޮޑުތިލަދުންމައްޗަށް ފުރާވަޑައިގެންފިއެވެ.
ޕީޕީއެމްއިން ބުނީ ހއ.ގެ ފަސް ރަށަކަށް ކުރައްވާ ދަތުރުފުޅުގައި ރައީސް ޔާމީން މިހާރު ފުރާވަޑައިގެންފައިިވާ ކަމަށާއި, އެ މަނިކުފާނު މި ވަގުތު ހުންނެވީ ހަނިމާދޫ އެއާޕޯޓުގައި ކަމަށެވެ. އަދި މިއަދުގެ ހަވީރުގެ ވަގުތެއްގައި އިހަވަންދުއަށް ވަޑައިގަންނަވާނެ ކަމަށެވެ.
އިހަވަންދޫގެ އިތުރުން ރައީސް ޔާމީން ދެން ވަޑައިގަންނަވާނީ ކެލާ, ބާރަށް, ދިއްދޫ އަދި ތުރާކުނަށެވެ.
ރިޔާސީ ކެންޑިޑޭޓުގެ ގޮތުގައި ކުރައްވާ ދެވަނަ ދަތުރުފުޅުގެ މައިގަނޑު ސަބަބުތަކުގެ ތެރޭގައި 2023 ވަނަ އަހަރުގެ ޕީޕީއެމްގެ ރިޔާސީ މެނިފެސްޓޯއަށް މަޢުލޫމާތުތައް އެއްކުރެއްވުން ހިމެނެއެވެ. އެ ގޮތުން ޒުވާނުންގެ މެނިފެސްޓޯއާއި, މަސްވެރިންގެެ މެނިފެސްޓޯއާއި, އަންހެނުންގެ މެނިފެސްޓޯ އަދި ސަރުކާރު ހިންގުމުގެ ދާއިރާއަށް ގެންނަންޖެހޭ ބަދަލުތަކާ ގުޅޭ ގޮތުން ޚިޔާލު ހޯދުން ވެސް ކުރިއަށްދާނެއެވެ.
Ads by STO
