ރައީސް ޔާމީނަށް ވަށަފަރުން ހޫނު މަރުހަބާއެއް
ކުރީގެ ރައީސް ޔާމީން ޢަބްދުލްޤައްޔޫމް މިއަދު ހއ.ވަށަފަރަށް ވަޑައިގެންފިއެވެ.
ރައީސް ޔާމީން އެ ރަށަށް ވަޑައިގަތީ ހއ.އަތޮޅުގެ ބައެއް ރަށްރަށަށް ކުރައްވާ ދަތުރުފުޅުގެ ތެރެއިންނެވެ.
ކުރިން ރޭވިފައި އޮތީ ފަސް ރަށަކަށް ވަޑައިގަތުމަށެވެ. ރައީސް ޔާމީން މިހާރު ވަނީ އެ ފަސް ރަށަށް ވަޑައިގެންފައެވެ. އެއީ އިހަވަންދުއާއި, ތުރާކުނާއި, ކެލައާއި, ބާރަށާއި, ދިއްދުއެވެ.
ރައީސް ޔާމީން ވަށަފަރަށް ވަޑައިގަތުމުން އެ ރަށުގެ ރައްޔިތުން ހޫނު މަރުހަބާއެއް ދެންނެވިއެވެ.
މަޢުލޫމާތު ލިބޭ ގޮތުގައިި މިއީ ރައީސް ޔާމީންގެ މި ދަތުރުފުޅުގެ ފަހު މަންޒިލެވެ.
ރިޔާސީ ކެންޑިޑޭޓުގެ ގޮތުގައި ރައީސް ޔާމީން ކުރައްވާ ދެވަނަ ދަތުރުފުޅުގެ މައިގަނޑު ސަބަބުތަކުގެ ތެރޭގައި 2023 ވަނަ އަހަރުގެ ޕީޕީއެމްގެ ރިޔާސީ މެނިފެސްޓޯއަށް މަޢުލޫމާތުތައް އެއްކުރުމާއި, ސަރުކާރު ހިންގުމުގެ ދާއިރާއަށް ގެންނަންޖެހޭ ބަދަލުތަކާ ގުޅޭ ގޮތުން ޚިޔާލު ހޯދުމެވެ.
ރިޔާސީ ކެންޑިޑޭޓުގެ ގޮތުގައި ރައީސް ޔާމީން ފުރަތަމަ ދަތުރުފުޅު ކުރެއްވީ ދ.ކުޑަހުވަދުއަށެވެ.
Ads by STO
