މިއީ ޓެކްސް ބޮޑުކުރަން ރަނގަޅު ވަގުތެއް ނޫން ކަމަށް މަޓީން މަޖިލީހަށް އަންގައިފި
ޖީއެސްޓީއާއި ޓީޖީއެސްޓީ ބޮޑުކުރަން ސަރުކާރުން ރައްޔިތުންގެ މަޖިލީހަށް ހުށަހަޅާފައިވާ ގޮތަށް ޓެކްސް ބޮޑުކުރުމަށް މިއީ އެންމެ ރަނގަޅު ވަގުތު ނޫން ކަމަށް މޯލްޑިވްސް އެސޯސިއޭޝަން އޮފް ޓޫރިޒަމް އިންޑަސްޓްރީ (މަޓީ) އިން ރައްޔިތުންގެ މަޖިލީހަށް އަންގައިފިއެވެ.
މިޖިލީހުގެ މިއަދުގެ ޖަލްސާ ފައްޓަވަމުން ރައިސް މުހައްމަދު ނަޝީދު ވިދާޅުވީ ޓެކްސް ބޮޑުކުރުމާ ގުޅޭގޮތުން މާޓީގެ ފަރާތުން ސިޓީއެއް ފޮނުވާފައިވާ ކަމަށާއި އެ ސިޓީގައި މިއީ ޓެކްސް ބޮޑުކުރަން އެންމެ ރަނގަޅު ވަގުތު ނޫން ކަމަށް އެ ޖަމިއްޔާއިން ބުނެފައިވާ ކަމަށް ވިދާޅުވިއެވެ.
“މަޓީގެ ފަރާތުން މަޖިލީހަށް ސިޓީއެއް ފޮނުވާފަ ވަނީ މިއީ ޓެކްސް ބޮޑު ކުރަން އެންމެ ރަނގަޅު ވަގުތު ނޫން ކަމަށް” ރައީސް ނަޝީދު ވިދާޅުވިއެވެ.
މަޓީން ބުނީ މިހާރު ވެސް ފަތުރުވެރިކަމުގެ ސިނާއަތް އަންނަނީ އެކި ލޮޅުންތަކުން އަރައިގަތުމުގެ މަސައްކަތް ކުރަމުން ކަމަށެވެ. އަދި ޓެކްސްއަށް ގެންނަ ކޮންމެ ބަދަލެއް ތަންފީޒު ކުރުމަށް މަދުވެގެން 12 މަސްދުވަސް ދިނުމަށް މަޓީން އެދިފައިވެއެވެ.
