އެމްޑީޕީގެ ތަރުޖަމާނަކަށް އަނަސް ހަމަޖައްސައިފި

ރާއްޖޭގެ އެންމެ ބޮޑު ސިޔާސީ ޕާޓީ, އެމްޑީޕީގެ ތަރުޖަމާނަކަށް އަނަސް ޢަބްދުއްސައްތާރު ހަމަޖައްސައިފިއެވެ.

އެމްޑީޕީން މިއަދު ބުނީ އެ ޕާޓީގެ ތަރުޖަމާނަކަށް ހަމަޖެއްސީ ކުރިން އެމްޑީޕީގެ ސެކްރެޓަރީ ޖެނެރަލްކަން ކުރެއްވި އަނަސް ކަމަށެވެ.

އަނަސް އެންމެފަހުން ހުންނެވީ އެމްޑީޕީގެ އިސްތިއުނާފް ފަނޑިޔާރު މަޖިލިސްގެ ރައީސްކަމުގައެވެ.

އަނަސްއަކީ މިދިޔަ ލޯކަލް ކައުންސިލު އިންތިޚާބުގައި މާލޭ ސިޓީގެ މޭޔަރުކަމަށް ވެސް ވާދަކުރެއްވި ބޭފުޅެކެވެ. އެ އިންތިޚާބުގައި މާލޭ ސިޓީގެ މޭޔަރާ ވާދަކުރައްވާ ނާކާމިޔާބު ލިބިވަޑައިގަތެވެ.