އެމްޑީއޭގެ ސަރުކާރެއްގައި އިޖުތިމާޢީ ބޮޑެތި މައްސަލަތަކަށް ދާއިމީ ޙައްލެއް ހޯދައިދޭނަން: ސިޔާމް
މޯލްޑިވްސް ޑިވެލޮޕްމަންޓް އެލަޔަންސް (އެމްޑީއޭ) ގެ ސަރުކާރެއްގައި އިޖުތިމާޢީ ބޮޑެތި މައްސަލަތަކަށް ދާއިމީ ހައްލެއް ހޯއްދަވައިދެއްވާނެ ކަމަށް އެ ޕާޓީގެ ރައީސް އަދި ދ.މީދޫ ދާއިރާގެ މެންބަރު އަޙްމަދު ސިޔާމް މުޙައްމަދު ވިދާޅުވެއްޖެއެވެ.
ސިޔާމް މިހެން ވިދާޅުވީ މިއަދު ކުރެއްވި ޓުވީޓެއްގައެވެ.
އަޅުގަނޑުމެންގެ ސަރުކާރެއްގައި އިޖުތިމާޢީ ބޮޑެތި މައްސަލަތަކަށް ދާއިމީ ހައްލެއް ހޯދައިދޭނަން.
މީގެ ދެތިން ދުވަހެއް ކުރިން ސިޔާމް ކުރެއްވި ޓުވީޓެއްގައި ވިދާޅުވެފައިވާ ގޮތުގައި ރައްޔިތުން ބޭނުންވަނީ ފުދުންތެރި ދެކޮޅުޖެހޭ އުފާވެރި ދިރިއުޅުމެއް އުޅޭށެވެ. ނަމަވެސް ސަރުކާރުތަކުން ވަނީ ރައްޔިތުންނަށް ބޭނުންވާ އަސާސީ ޚިދްމަތްތައް ފޯރުކޮށްނުދެވި ބޮޑުތަނުން ފެއިލްވެފައި ކަމަށް އޭނާ ވިދާޅުވިއެވެ.
ސިޔާމް ވަނީ ކުރިއަށް އޮތް ރިޔާސީ އިންތިޚާބުގައި އެމްޑީއޭގެ ފަރާތުން ރައީސްކަމަށް ވާދަކުރައްވާނެކަން އިއުލާނު ކުރައްވައިފައެވެ. އޭނާ ވިދާޅުވެފައިވަނީ ވެރިކަން ހޯއްދެވުމަށް ކޯލިޝަނެއް ބޭނުންނުވާ ކަމަށާއި އެއްވެސް ޕާޓީއަކާ ނުގުޅި ވެސް އެ ޕާޓީން އިންތިޚާބު ކާމިޔާބު ކުރާނެ ކަމަށެވެ.
