މަލީހު ވިދާޅުވަނީ ކުކުޅު ހާލަށްވެސް މަޤާމުތައް ބަހަނީ ކަމަށް
ހަދާނެ ގޮތް ހުސްވެ މަގުމަތިން ފެންނަ ކުކުޅު ހާވެސް ރައީސް އޮފީހަށް ވައްދާ މަޤާމު ބަހަނީކަމަށް ވިދާޅުވެ ކުރީގެ ކޮމިއުނިކޭޝަން މިނިސްޓަރު މުޙައްމަދު މަލީހު ޖަމާލު ރައީސުލްޖުމްހޫރިއްޔާ އިބްރާހިމް މުޙައްމަދު ޞާލިޙަށް ފާޑުވިދާޅުވެއްޖެއެވެ.
މަލީހް ކުރެއްވި ޓުވީޓެއްގައި ވިދާޅުވީ ހަދާނެ ގޮތް ހުސްވެ މަގުމަތިން ފެންނަ ކުކުޅު ހާވެސް ބަހަނީ ކަމަށާއި އެފަދަ ކަންކަން މިހާރު ބޮޑު ޖޯކަކަށްވެއްޖެ ކަމަށެވެ.
ކުރިއަށް އޮތީ ރައީސް ޞާލިޙަށް އިންތިހާޔަށް އެކަނިވެރިކަން އިހްސާސް ކުރެއްވޭނެ ދުވަސްތަކެއް ކަމަށާއި ކޯލިޝަން ވިއްސި ވިހާލިވާން އޮތީ މަދު ހަފްތާތަކެއް ކަމަށް ވެސް މަލީހް ވިދާޅުވިއެވެ.
''ރައީސް ނަޝީދާއެކު އެމްޑީޕީ ގްރާސްރޫޓް މޫވްކުރާނެ.'' މަލީހު ވިދާޅުވިއެވެ.
މަލީހު މިހެން ވިދާޅުވިއިރު، މިއަހަރުގެ ތެރޭގައި ސަރުކާރުން ރިކޯޑު އަދަދަކަށް ސިޔާސީ މަޤާމު އުފައްދަވައިފައިވެެއެވެ. މި އަހަރު ހާހަކަށްވުރެ ގިނަ ސިޔާސީ މަޤާމު އުފެއްދެވިއިރު، އެ މުވައްޒަފުންގެ މުސާރައަށް، މިއަހަރުގެ ބަޖެޓުގައި 400 މިލިއަނަށްވުރެ ގިނަ ރުފިޔާ އޮތީ ހިމަނައިފައެވެ.
ޚުރަފިތަކަށް މަޤާމް ދިނަސް ކަލެއަކަށް ނުދޭނަން…ތީކާކުތަ.