ވައި ނުސާފު މިންވަރު ބަލައި، ސަމާލުވުމަށް އެދިވަޑައިގެންފި
ރާއްޖެއަށް ވައި ނުސާފުވެފައިވާ މިންވަރު ބަލައި، ރައްކާތެރިކަމުގެ ފިޔަވަޅުތައް އެޅުމަށް ހެލްތު
ޕްރޮޓެކްޝަން އެޖެންސީ(އެޗްޕީއޭ)އިން އިލްތިމާސް ކުރައްވައިފިއެވެ.
މެޓް އޮފީހުން ވިދާޅުވީ ރާއްޖެ ސަރަޙައްދުގައި ވައި ނުސާފުވެފައި ވަނީ، ހުޅަނގުން އިރުމައްޗަށް ވައި ބަދަލުވަމުން އަންނައިރު، ހިމާލަޔަން ސަރަޙައްދުގެ ހިރަފުހާ ދުން، ވަޔާއެކު ބޭ އޮފް ބެންގަލް ހުރަސްކޮށް ރާއްޖެއާ ހަމައަށް ފޯރަމުންދާތީ ކަމަށެވެ.
ވައި ސާފުކަމުގެ މިންވަރު ބެލުމަށް މިނިސްޓްރީ އޮފް އެންވަޔަރަންމަންޓް އެންޑް ޓެކްނޮލޮޖީގެ ލިންކް އިން iqair.com/maldives ނުވަތަ IQAir Visual އެޕް އަޅުއްވައިގެން ބެލުމަށް އެޗްޕީއޭއިން ވަނީ އިލްތިމާސް ކުރައްވައިފައެވެ. އަދި ވައި ނުސާފު މިންވަރަށް ބަލާ، ރައްކާތެރިކަމުގެ ފިޔަވަޅުތައް އެޅުމަށްވެސް އެޗްޕީއޭއިން އިލްތިމާސް ކުރައްވައެވެ.
ވައިގެ ސާފުމިން ވަޒަންކުރާ "އައިކިއު އެއާ" އިން 6 މިންގަނޑަކުން ވައިގެ ސާފުމިން ބަލާއިރު، އެ ރާއްޖޭގެ ބައެއް ސަރަޙައްދުތަކުގެ ވައިގެ ތަޣައްޔަރުކަން މިހާރު ހުރީ ތިން ވަނަ ދަރަޖައިގައެވެ.
Ads by STO
