ރިޟްވާންގެ މަރާ ގުޅޭގޮތުން ކޮމިޝަނުން ދެއްކީ ހޮޅި ވާހަކަ: ޝިޔާން

މިނިވަން ނޫހުގެ ނޫސްވެރިޔާ، އަޙްމަދު ރިޟްވާންގެ މަރާ ގުޅޭ ގޮތުން މަރު ކޮމިޝަނުން ދެއްކީ ހުސް ހޮޅި ވާހަތަކެއް ކަމަށް ރައްޔިތުންގެ މަޖިލީހުގެ ތޮއްޑޫ ދާއިރާގެ އެމްޑީޕީ މެމްބަރު ހަސަން ޝިޔާން ވިދާޅުވެއްޖެއެވެ.
މެމްބަރު ޝިޔާން މިހެން ވިދާޅުވީ ރިޟުވާންގެ މަރާއި ގުޅޭގޮތުން މިދިޔަ މަރު ކޮމިޝަނުން ބޭއްވި ނޫސްވެރިންގެ ބައްދަލުވުމުގައި ހާމަކުރެއްވި ކަންކަމަށް ފާޑު ވިދާޅުވަމުންނެވެ.
ޝިޔާން ވިދާޅުވީ ރިޟްވާން ގެއްލުނު މައްސަލައިގެ ހަޤީޤަތް މަރު ކޮމިޝަނުން ވަނީ އޮޅުވައިލައއްވައިފައެވެ. މިފަދަ މަރުތައް ސިޔާސީ ކޮށްލުމުން އޭގެ ނަތީޖާ ގޯސްވެފައިވާކަމަށްވެސް އޭނާ ވިދާޅުވިއެވެ.
2014 ވަނަ އަހަރުގެ އޯގަސްޓްމަހު ގެއްލުނު ރިޟްވާނާ ގުޅޭ ގޮތުން މަރު ކޮމިޝަނުން އެކުލަވައިލެއްވިި ރިޕޯޓް ރައީސް އިބްރާހިމް މުޙައްމަދު ޞާލިޙަށް އެރުއްވުމަށް ފަހު ބޭއްވެވި ޕްރެސް ކޮންފަރެންސްގައި ކޮމިޝަނުން ވަނީ އިދިކޮޅު ލީޑަރު، އަދި ޕީޕީއެމްގެ ރިޔާސީ ކެންޑިޑޭޓަށް ތުހުމަތުތަކެއް ކުރައްވައިފައެވެ.
މިގޮތުން، މި މައްސަލައިގައި ޝާމިލުވާ މީހުންގެ ތެރޭގައި ހިމެނޭ މުނާޒު ސީރިއާއަށް ފުރުވާލުމަށް، އޭރުގެ ރައީސްކަމުގައި ހުންނަވައި، ރައީސް ޔާމީން އެހީތެރިވެވަޑައިގެންނެވި ކަމަށްވެސް އޭނާ ވަނީ ތުހުމަތު ކުރައްވައިފައެވެ.
ކޮމިޝަނުން ބުނި ގޮތުގައި މުނާޒް ވަނީ ރިޟްވާން މަރައިލި ގޮތާއި އެކަމުގައި ބައިވެރިވި މީހުން، ރައީސް ޔާމީނަށް ކިޔައިދީފައެވެ. ފާހަގަކޮށްފައެވެ.






ކޮމެންޓް
މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.