Tuesday, 17 November 2026
Advertisement
Allied Insurance (leaderboard)
ސިޔާސީ

މުޢިއްޒުގެ ސުވާލެއް އިޔާޒަށް: ފާސިގުންގެ ހެކިބަހުގެ މައްޗަށް ޙުކުމްކުރުން ދީނުގައި ހަލާލުތޯ

މުޢިއްޒުގެ ސުވާލެއް އިޔާޒަށް: ފާސިގުންގެ ހެކިބަހުގެ މައްޗަށް ޙުކުމްކުރުން ދީނުގައި ހަލާލުތޯ
ފާސިގުންގެ ހެކިބަހުގެ މައްޗަށް ޙުކުމް ކުރެއްވުން ދީނުގައި ހަލާލުތޯ އައްސަވައި މާލޭގެ މޭޔަރު ޑރ.މުޙައްމަދު މުޢިއްޒު, ޑރ.މުޙައްމަދު އިޔާޟާ ސުވާލު ކުރައްވައިފިއެވެ. ވ.އާރަށު މައްސަލައިގައި ކުރީގެ ރައީސް ޔާމީން ޢަބްދުލްޤައްޔޫމަށް ޙުކުމް ކުރެއްވި ދުވަހު އިދިކޮޅު ފަރާތްތަކުން ކްރިމިނަލް ކޯޓު ކައިރީގައި އަޑުއުފުލިއިރު ޑރ.މުޢިއްޒު ވެސް އެތަނުގައި ހުންނެވިއެވެ. އެ ގޮތުން ޑރ.އިޔާޟް ކުރެއްވި ޓުވީޓެއްގައި ވަނީ އެ ދުވަހުގެ އޮފީސް ގަޑީގައި ‎މާލޭ ސިޓީ ކައުންސިލުގެ ބައެއް އިސްވެރިން މަގުމައްޗަށް ނިކުމެ މުޒާހަރާ ކުރެއްވީ އޮފީސް މަސައްކަތަކަށް ވެގެންތޯއާއި މާލޭގެ ރައްޔިތުން ހަވާލުކުރި ޒިންމާއަކީ އެއީތޯ ސުވާލު ކުރައްވައިފައެވެ.
ގެއަށް ވައްދާ ފައިސާ ހަލާލުކުރަންޖެހޭ. އިޔާޟް އިތުރަށް ވިދާޅުވިއެވެ.
އިޔާޟަށް ރައްދު ދެއްވައި ކުރެއްވި ޓުވީޓުގައި މުޢިއްޒު ވިދާޅުވީ އެ ދުވަހު ހުރީ އަހަރީ ޗުއްޓީގެ އެއް ދުވަސް ރަސްމީކޮށް ޗުއްޓީގެ ގޮތުގައި ނަންގަވައިގެން ކަމަށެވެ. އެއަށްފަހު މުޢިއްޒު ވަނީ ފާސިގުންގެ ހެކިބަހުގެ މައްޗަށް ޙުކުމްކުރުން ދީނުގައި ހަލާލުތޯ އޮޅުންފިލުވައި ދެއްވައިފާނުތޯ އިޔާޟާ ސުވާލު ކުރައްވައިފައެވެ. އަދި މީސްތަކުންގެ މެދުގައި ޙުކުމް ކުރުމުގައި އަދުލުވެރިވުމަށް ދީނުގައި އޮވޭތޯ ވެސް ސުވާލު ކުރެއްވިއެވެ. މުޢިއްޒު މި ސުވާލުތައް އަމާޒުކުރެއްވިއިރު އާރަށުގެ މައްސަލައިގައި ހެކިބަސް ދެއްވި ބޭފުޅުންގެ ތެރޭގައި ކުރީގެ ނައިބު ރައީސް އަޙްމަދު އަދީބާއި އެމްއެމްޕީއާރްސީގެ ކުރީގެ މެނޭޖިން ޑިރެކްޓަރު ޢަބްދުﷲ ޒިޔަތު ވެސް ހިމެނިވަޑައިގަންނަވައެވެ. އެ ދެ ބޭފުޅުންނަކީ އެމްއެމްޕީއާރްސީގެ ޚިޔާނާތުގެ މައްސަލައިގައި ކުށް ސާބިތުވެ ދިގު މުއްދަތަކަށް ޖަލަށްލުމަށް ޙުކުމް ކުރައްވާފައިވާ ދެ ބޭފުޅުންނެވެ. ނަމަވެސް ސަރުކާރާއެކު ހެއްދެވި ޑީލެއްގެ ދަށުން އެ ދެ ބޭފުޅުން ތިއްބަވަނީ ގޭގައެވެ.

ރިއެކްޝަން

Advertisement
Allied — Dhen Online (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.