ޒުވާނަކު ގެއްލިގެން ހޯދަނީ

ދިވެހި ޒުވާނަކު ގެއްލިގެން، އޭނާ ހޯދުމަށް އާންމުންގެ އެހީތެރިކަމަށް ފުލުހުން އެދިވަޑައިގެންފިއެވެ.

ފުލުހުން ވިދާޅުވީ ގެއްލިގެން ހޯދަމުން ދަނީ ލ. މާވަށު ކުންނާރުމާގޭ އުމުރުން 32 އަހަރުގެ މޫސާ އަނީސްއެވެ.

އޭނާގެ ޚަބަރެއް ނުވެގެން ފުލުހުންނަށް ރިޕޯޓު ކޮށްފައި ވަނީ އިއްޔެއެވެ.

އާއިލާ އާއި ހަވާލާދީ ފުލުހުން ވިދާޅުވީ، އޭނާގެ ޚަބަރެއް އެންމެ ފަހުންވީ މިމަހުގެ 24 ވަނަ ދުވަހު ކަމަށެވެ.

މަޢުލޫމާތު ލިބިފައިވާ ގޮތުގައި އެ ދުވަހުގެ ފަހަކުން އަނީސްގެ ފޯނަކަށް ނުގުޅެއެވެ. އަދި އޭނާއަކީ މަސްތުވާތަކެތީގެ މައްސަލައިގަ ރިހެބަށް ގެންދިއުމަށް ނިންމާފައިވާ މީހެކެވެ.

ފުލުހުން ވިދާޅުވީ އަނީސް އާއި ގުޅޭ އެއްވެސް މަޢުލޫމާތެއް ލިބިއްޖެ ނަމަ ފުލުހުންގެ ހޮޓްލައިން 3322111 އަށް ގުޅުމަށް އެދޭ ކަމަށެވެ.