Tuesday, 17 November 2026
Advertisement
MWSC — SmartMeter (leaderboard)
އޭޝިއާ

ޕާކިސްތާނުގެ ސަރަޙައްދުތަކަށް ބާރުގަދަ ބިންހެލުމެއް އަތުވެއްޖެ

ޕާކިސްތާނުގެ ސަރަޙައްދުތަކަށް ބާރުގަދަ ބިންހެލުމެއް އަތުވެއްޖެ

މި ދިޔަ ބުރާސްފަތި ދުވަހު ޕާކިސްތާނުގެ ބައެއް ސަރަޙައްދުތަކަށް ބާރުގަދަ ބިންހެލުމެއް އަތުވެއްޖެއެވެ. މި ބިންހެލުން އައިސްފައިވާ ސަރަޙައްދުތަކުގެ ގޮތުގައި ހިމެނެނީ އިސްލާމްއާބާދު، ޚައިބަރު ޕަޚްތޫންޚުވާ، ގިލްގިޓް ބަލްޓިސްތާން، އާޒާދު ޖައްމޫ އެންޑް ކަޝްމީރު އަދި ޕަންޖާބުގެ ގިނަ އަވަށްތަކެކެވެ.

ޕާކިސްތާންގެ ޕްރައިވެޓް މީޑިއާތަކުގެ ރިޕޯޓްތަކުން ބުނާގޮތުން މި ބިންހެލުމުގެ ބާރުމިން ރެކްޓަރ މިންގަނޑުން 5.8 މެގްނިޓިއުޑްގައި ރެކޯޑް ކުރެވިފައިވެއެވެ. އަދި ބިންހެލުން އައިސްފައިވަނީ ބިމުގެ 189 ކިލޯމީޓަރު އަޑިއަށް ކަމަށްވެސް ރިޕޯޓްގައި ހާމަކޮށްފައިވެއެވެ.

ބުރާސްފަތި ދުވަހުގެ މި ބިންހެލުމަށްފަހު ޕާކިސްތާނުގެ ޚައިބަރު ޕަޚްތޫންޚުވާގައި ލޮޅުންތަކެއްގެ އިޙްސާސް ކުރެވިފައިވާ އަވަށްތަކަކީ ޗަރްސައްދާ، ޕޭޝާވަރު، ބަޓްގަރަމް، މަންސެހްރާގެ އިތުރު އެހެނިހެން ސަރަޙައްދުތަކެކެވެ.

Advertisement
Allied — Dhen Online (box)

ޕަންޖާބުގެ އަވަށްތަކުގެ ތެރެއިން މި ބިންހެލުމުގެ އަސަރަށްފަހު ލޮޅުންތައް ރެކޯޑް ކުރެވިފައިވަނީ ލާހޯރު، ފައިސަލްއާބާދު، ޝެއިޚުޕޫރު، ސަރްގޯދާ، މުރީ އަދި އެ ސަރަޙައްދުގެ ކައިރި އެހެނިހެން އަވަށްތަކަށެވެ.

އެ ޙާދިސާ ހިނގުމުން މި އަވަށްތަކުގެ މީހުން ބިރުންވަނީ އެ މީހުންތިބި އޮފީސްތަކުންނާއި ގެ ތަކުން ނުކުމެ މަގުމައްޗަށް އެއްވެފައެވެ. ނަމަވެސް މިކަމުގެ ސަބަބުން މިހާތަނަށް އެއްވެސް މީހަކަށް ގެއްލުމެއް ލިބިފައިވާކަން ކަމާބެހޭ އެއްވެސް އިދާރާއަކަށް ރިޕޯޓްކުރެވިފައި ނުވާކަމަށް އެ ޤައުމުގެ މީޑިއާތަކުން ޚަބަރުދެއެވެ.

މިއީ ދެކުނު އޭޝިއާގެ މި ޤައުމަށް މި އަހަރުގެ ތެރޭގައި ބިންހެލުން އައި ދެވަނަ ދުވަހެވެ. މި ބިންހެލުން އައުމުގެ އެއް ދުވަސް ކުރިންވެސްވަނީ ޕަންޖާބުގެ ލާހޯރުގެ އިތުރުން ބައެއް އަވަށްތަކަށް ރެކްޓަރ މިންގަނޑުން 4.2 މެގްނިޓިއުޑްގެ ބިންހެލުމެއް ރެކޯޑްކުރެވިފައެވެ.

ރިއެކްޝަން

Advertisement
Allied Insurance — Square (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.