ޅ އަތޮޅުން ފެށިގެން ދ އަތޮޅާ ހަމައަށް ވައިޓްް އެލާޓް ނެރެފި

މޫސުން ގޯސްވެ 11 އަތޮޅަކަށް ރާއްޖޭގެ މޫސުމާ ބެހޭ ޤައުމީ އިދާރާއިން ވައިޓް އެލާޓް ނެރުއްވައިފިއެވެ.

އެ އިދާރާއިން، މިއަދު ހަވީރު ހައެއް ޖެހުމާ ހަމައަށް،  މި އެލާޓް ނެރުއްވައިފައިވަނީ ޅ. އަތޮޅުން ފެށިގެން ދ. އަތޮޅާ ހަމައަށެވެ.

މި ވަގުތުތަކުގައި ގަޑިއަކު 19 މޭލާ 24 މޭލާ ދެމެދުގެ ބާރުމިނުގައި ވައި ޖެހި، ކަނޑުތައް ގަދަވާނެ ކަމަށް ލަފާކުރެވޭ ކަމަށް މެޓް އޮފީހުން ވިދާޅުވެއެވެ.

މިއީ މެޓް އޮފީހުން އެ ސަރަހައްދަށް މިއަދު ވައިޓް އެލާޓް ނެރުނު ދެވަނަ ފަހަރެވެ.