ދިޔާނާ ރައީސްއަށް: ދެވަނަ ފަހަރަށް އައްޑުއަށްތިޔަ ވަޑައިގަންނަވަނީ ޝަންގްރިއްލާ ތަޅުދަނޑި ހިއްޕަވައިގެންތޯ؟
އެމްޑީޕީގެ ރިޔާސީ ޕްރައިމަރީގެ އިންތިހާބަށް ކުރައްވާ ފޯރިގަދަ ކެމްޕޭން ނިންމަވާލެއްވުމަށް ރައީސުލްޖުމްހޫރިއްޔާ އިބްރާހިމް މުހައްމަދު ޞާލިޙް ބާއްވާ ހާއްސަ ޖަލްސާ އައްޑޫގައި ބޭއްވުމަށް ނިންމެވުމުން ދިޔާނާ ސައީދު ފާޑުވިދާޅުވެއްޖެއެވެ.
ދިޔާނާ ވިދާޅުވީ ރައީސުލްޖުމްހޫރިއްޔާ އައްޑުއައް ވަޑައިގަންނަވަނީ ރިޔާސީ ދައުރުގެ ކަންކަން ނުކުރައްވާ އަނެއްކާވެސް ބައިވަރު ވައުދު ރައީސް ނަޝީދުގެ ފަހަތްފުޅުން ކަމަށެވެ.
"ދެވަނަ ފަހަރަށް މިވަޑައިގަންނަވަނީ ޝަންގްރިއްލާގެ ތަޅުދަނޑި ހިއްޕަވައިގެންބާ؟ ނޫނީ އެއާޕޯޓެއް ހިތްޕަވައިގެންބާ؟ ރިޔާސީ ދައުރުގަ ކަންކަން ނުކުރައްވާ ބައިވަރު ވައުދު ހިތްޕަވައިގެން ރައީސް ނަޝީދުގެ ފަހަތްޕުޅުން..." ދިޔާނާ ވިދާޅުވިއެވެ.
މިމަހުގެ 28 ވަނަ ދުވަހު ބޭއްވުމަށް ހަމަޖެހިފައިވާ އެމްޑީޕީ ރިޔާސީ ޕްރައިމަރީގެ އިންތިޚާބަށް ރައީސުލްޖުމްހޫރިއްޔާ އިބްރާހިމް މުހައްމަދު ޞާލިހު ކުރައްވަމުން ގެންދަވާ ފޯރިގަދަ ކެމްޕޭން ނިންމުމުގެ ޖަލްސާ އޮންނާނީ އައްޑޫ ސިޓީގައި ކަމަށް އެމަނިކުފާނުގެ ކެމްޕޭން ޓީމުން ބުނެފައިވާއިރު މި ޖަލްސާ އޮންނާނީ، މި މަހުގެ 26 ވަ ދުވަހުގެ ރޭ 20:30 ގައި އައްޑޫ ސިޓީގެ ސިޓީ ބާޒާރު ސަރަހައްދުގައި ކަމަށް ރައީސްގެ ކެމްޕޭން ޓީމުން މަޢުލޫމާތު ދެއްވައެވެ.
މީގެ އިތުރުން ރައީސުލްޖުމްހޫރިއްޔާގެ ވާދަވެރި ކެންޑިޑޭޓް ކުރީގެ ރައީސް މުހައްމަދު ނަޝީދު މިއަދު ވަނީ ކެމްޕޭނަށް އައްޑޫ ސިޓީއަށް ވަޑައިގަންނަވާފައެވެ. ރައީސް ނަޝީދުގެ ކެމްޕެއިން ޓީމުގައި ދިޔާނާ ވެސް ގެންދަވަނީ ބައިވެރިވެވަޑައިގަންނަވަމުންކަން ފާހަގަކޮށްލެވެއެވެ.
ރައީސް ވަޑައިގަންނަވަނީ ބުރުގާއެއް ހިއްޕަވާގެން ދިޔާނާއަށް