އައްޑޫން 500 ގޯއްޗަށް އެދުމަށް ހުޅުވައިލައިފި

އައްޑޫ ސިޓީން 500 ގޯއްޗަށް އެދުމަށް، އެ ސިޓީގެ ކައުންސިލުން ހުޅުވައިލައްވައިފިއެވެ.

Ads by MWSC

ސިޓީ ކައުންސިލުން ފުރުސަތު ހުޅުވައިލައްވައިފައި ވަނީ ފޭދު އާއި މީދު އަދި ހުޅުދޫން ދޫކުރާ ގޯއްޗަށެވެ. ހުޅުދު އާއި މީދޫން ދޫކުރުމަށް ހަމަޖެހިފައި ވަނީ 2،000 އަކަފޫޓްގެ 100 ގޯއްޗެވެ. ފޭދޫން ދޫކުރާނީ 1،500 އަކަފޫޓްގެ 300 ގޯއްޗެވެ.

މިގިޮތުން މީދޫއިން 90 ގޯތި ދޫކުރަން ހަމަޖެހިފައިވާއިރު، ފޭދޫއިން 270 ގޯތި ދޫކުރާނެއެވެ. އަދި ހުޅުދޫ ރައްޔިތުންނަށް 90 ގޯތި ދޫކުރަންވެސް ހަމަޖެހިފައިވެއެވެ.

ގޯއްޗަށް އެދޭ ފޯމު ބަލައިގަތުމަށް ހަމަޖެހިފައި ވަނީ އަންނަ މަހުގެ ދެ ވަނަ ދުވަހުން ފެށިގެން އަންނަ މަހުގެ 16 ވަނަ ދުވަހުގެ ރަސްމީ ބަންދު ނޫން ކޮންމެ ދުވަހެއްގެ ހެނދުނު 9:00 އިން މެންދުރު ފަހު 1:00 ޖެހުމާ ހަމައަށެވެ. ފޯމު ބަލައިގަންނާނީ އެ އަވަށެއްގެ އަވަށު އޮފީހުންނެވެ.