މުޅި ރާއްޖެއަށްވެސް، ވައިޓް އެލާޓް: ސަމާލުވޭ

މުޅި ރާއްޖެއަށްވެސް މޫސުން ގޯސްވާނެ ކަމަށް ލަފާ ކުރެވޭތީ، ހުދު ސަމާލު ނެރުއްވައިފިއެވެ.

މޫސުމާއި ބެހޭ ޤައުމީ އިދާރާއިން ވިދާޅުވީ، ބޯކޮށް ވާރޭވެހުމާއެކު ގުގުރުން އަދި ވިލާގަނޑުގައި ގަޑިއަކު 40 މޭލަށް ވައިގަދަވާނެކަމަށް ލަފާކުރެއްވޭ ކަމަށެވެ.

މުޅި ރާއްޖެއަށް ވައިޓް އެލަރޓް ނެރުއްވައިފައިވަނީ މެންދުރު 12:00 އާއި ހަމައަށެވެ.

މީގެ އިތުރުން ހަތަރު ފޫޓާއި ހަ ފޫޓާއި ދެމެދުގެ އުސްމިނެއްގައި ކަނޑުގެ ރާޅުތައް ހުންނާނެ ކަމަށް މެޓުން ވަނީ ލަފާކުރައްވައިފައެވެ.

މެޓް އޮފީހުން ވިދާޅުވި ގޮތުގައި، މި އަހަރުގެ ޖެނުއަރީ މަހުގައި، އުތުރު އަތޮޅުތަކަށާއި މެދުރާއްޖެތެރޭގެ ބައެއް ރަށްތަކަށް ވާރޭ ވެހޭ މިންވަރު، މިދުވަސްވަރަށް އާންމުކޮށް ވެހޭ ވަރަށްވުރެ އިތުރުވުމަކީ އެކަށީގެން ވާކަމެއް ކަމަށެވެ. ނަމަވެސް އެހެން ހިސާބުތަކަށް މިދުވަސްވަރަށް އާންމުކޮށް ވެހޭވަރަށްވުރެ މަދު ވާނެކަމަށް ބެލެވޭ ކަމަށެވެ.

މި ދުވަސްވަރު ރާއްޖޭގެ ސަރަހައްދުގައި ފިނިހޫނުމިން އާންމު މިންގަނޑުގައި ހުންނާނެކަމަށް މެޓުން ލަފާ ކުރައްވައެވެ.