Tuesday, 17 November 2026
Advertisement
Ooredoo — Airfibre (leaderboard)
ސިޔާސީ

ޓެކްސް ބޮޑުކޮށް ދައުލަތުގެ އާމްދަނީ ބޮޑުކުރަން ވިސްނާއިރު އެންމެގާތުގައި ތިއްބެވީ ޓެކްސް ނުދައްކާ ބޭފުޅުން: ޝިޔާމް

ޓެކްސް ބޮޑުކޮށް ދައުލަތުގެ އާމްދަނީ ބޮޑުކުރަން ވިސްނާއިރު އެންމެގާތުގައި ތިއްބެވީ ޓެކްސް ނުދައްކާ ބޭފުޅުން: ޝިޔާމް
ޓެކްސް ބޮޑުކޮށް ދައުލަތުގެ އާމްދަނީ ބޮޑުކުރަން ވިސްނާއިރު އެންމެގާތުގައި ތިއްބެވީ ޓެކްސް ނުދައްކާ ބޭފުޅުންކަމަށް ރައްޔިތުންގެ މަޖިލީހުގެ ނައިފަރު ދާއިރާގެ މެމްބަރު އަދި އިދިކޮޅު ޕީޕީއެމްގެ ނައިބު ރައީސް އަޙުމަދު ޝިޔާމް ވިދާޅުވެއްޖެއެވެ. ރޭ ސަންގު ޓީވީގެ "ޚަބަރަށްފަހު" ޕްރޮގްރާމްގައި ވާހަކަފުޅު ދައްކަވަމުން  ޝިޔާމް ވިދާޅުވީ ދަޢުލަތައް ލިބެންޖެހޭ ފައިސާ ހޯދުމަށް ދައުލަތުން އެއްވެސް މަސައްކަތެއް ނުކުރައްވާކަމަށާއި، މަސައްކަތް ކުރަނީ ރައްޔިތު މީހާގެ އަތުގައި އޮންނަ ފައިސާ ހޯދުމަށް ކަމަށެވެ.
"ދައުލަތަށް ޓެކްސް ނުދައްކަވާ ބޭފުޅުން އެންމެ ކައިރީގައި މިގެންގުޅެނީ އެތެރޭގެ އިންތިޚާބުގައިވެސް އެންމެ ކައިރީގައި ގެންގުޅޭ ބޭބޭފުޅުން މިތިބެނީ ދައުލަތައް އެތައް މިލިއަން ޑޮލަރެއް ދައްކަންޖެހޭ ބޭބޭފުޅުން އަޅުގަނޑުމެންނަށް އެބަ ފެނޭ ވަރަށް އަރިހުން. ދައުލަތަށް އާމްދަނީ ހޯދަން ވަކިން ޚާއްސަކޮށް ދައުލަތަށް ލިބެންޖެހޭ ފައިސާ ހޯއްދަވަން އެއްވެސް މަސައްކަތެއް ނުކުރައްވާ ހައްތަހާވެސް ރައްޔިތުންނާއި ދިމާލަށް މިދަނީ" ޝިޔާމް ވިދާޅުވިއެވެ.
މިސާލު ދައްކަވަމުން ޝިޔާމް އިތުރަށް ވިދާޅުވީ ދައުލަތުގެ އާމްދަނީ އިތުރުކުރުމަށް މަސައްކަތް ކުރަނީ ޓެކްސް ބޮޑުކޮށްގެން ނާއި ޖީއެސްޓީ ބޮޑުކޮށްގެންނާއި ޒުވާނުންގެ ސައިކަލުތަކުގައި ނޫނީ ކާރުތަކުގައިސްޓިކާ ޖަހައިގެންނާ އެކީގައި ކަމަށެވެ. އިތުރަށް ވާހަކަ ދައްވަކަމުން ޝިޔާމް ވިދާޅުވީ ރައީސް ނަޝީދާއި އެމްޑީޕީގެ އެއްވެސް ހަރަކާތެއްގެ ތެރެއަށް ޕީޕީއެމް، ޕީއެންސީގެ އެއްވެސް ޝައުގެއް ނެތްކަމަށާއި އެ ޕާޓީގެ އެތެރޭގެ ހުރި މައްސަލަތަކުގެ ތެރެއަށް ބަސް ބުނެ ހަދަން ބޭނުމެއް ވެސް ނުވާ ކަމަށެވެ. މީގެއިތުރުން ޝިޔާމް ވިދާޅުވީ ރައީސް ޔާމީންގެ ސަރުކާރުގެ ފަސް އަހަރުގެ ތެރޭގައި، ރައްޔިތުންނަށް ވަރަށް ގިނަ ހިދުމަތް ކުރެއްވިކަން މިއަދު ރައީސް ނަޝީދަށް އިހުސާސް ވާން ފަށާފައިވާކަމަށެވެ.  

ރިއެކްޝަން

Advertisement
Ooredoo — Square (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.