ހަންކެޑެ މަޝްރޫއުގެ ފޮޓޯތަކާއެކު އެ މަޝްރޫއު އިއުލާންކޮށްފި
ވެފައިވަނިކޮށް އައްޑޫ ސިޓީ ހަންކެޑެ މަޝްރޫއުގެ ޕްލޭންކަމަށް ބުނެ ފޮޓޯތަކެއް އާންމުކޮށްފިއެވެ. ސަރުކާރުން މި މަޝްރޫއު އިއުލާންކޮށްފައިވަނީ އެމްޑީޕީގެ ރިޔާސީ ޕްރައިމަރީ ފަށަން 18 ގަޑިއިރަށް ވެފައިވަނިކޮށެވެ.
ރައީސް އިބްރާހިމް މުހައްމަދު ޞާލިހާއި، ރައީސް މުހައްމަދު ނަޝީދާއިއެކު އެމްޑީޕީ ޕްރައިމަރީގެ ވޯޓުލުން ފެށޭނީ މާދަމާ ހެނދުނެވެ. ކެމްޕެއިން ކުރުމުގެ ފުރުސަތު މިއަދު އިރުއޮއްސި ހައެއް ޖެހުމާއި ހަމައަށް ބަންދުވާނެއެވެ.
މެންދުރު ވަގުތުގައި ސަރުކާރު 100 އިންސައްތަ ހިއްސާ އޮންނަ މޯލްޑިވްސް ފަންޑް މެނޭޖްމެންޓު ކޯޕަރޭޝަން ލިމިޓެޑުން ތަރައްގީކުރާ ހަންކެޑެ މަޝްރޫއު އިއުލާން ކުރީ އެތަނުގެ ޑިޒައިންކަމަށް ބުނެ ފޮޓޯތަކެއް ސޯޝަލް މީޑިއާއަށް ދޫކޮށްލަމުންނެވެ. އެއާއެކު އެކުންފުނިން ބުނީ މިމަޝްރޫއަކީ އައްޑޫގެ ޓޫރިޒަމް އާ ހަރުފަތަކަށް ގެންގޮސްދޭނެ މަޝްރޫއެއް ކަމަށެވެ.
މިމަޝްރޫއުގެ ދަށުން ހަންކެޑޭގައި 1،041 ޓޫރިޒްޓު ކޮޓަރި ތަރައްގީ ކުރާނެ ކަމަށާއި އޭގެ ތެރޭގައި އެކި ރޭންޖުތަކުގެ ކޮޓަރި ހިމެނޭނެކަމަށް އެ ކުންފުނިން ބުންޏެވެ.
ހަންކެޑެ އަކީ މަރަދޫ އާއި ހިތަދޫއާ ދެމެދު އޮންނަ ތަނެކެވެ. އެތަން ރިސޯޓެއްގެ ގޮތުގައި ތަރައްގީ ކުރަން ކުރީގެ ރައީސް މައުމޫނު އަބްދުލް ގައްޔޫމުގެ ސަރުކާރުންވެސް މަސައްކަތް ކުރި އެވެ. އެހެންނަމަވެސް މަސައްކަތް ކުރިއަށް ނުގޮސް ހުއްޓައިލި އެވެ. އޭގެ ފަހުން އެމަޝްރޫއު ކުރިއަށް ނުގެންދެ އެވެ.
ރައީސް ޞާލިހުގެ ވެރިކަމުގެ ފަހު އަހަރު ހަންކެޑެ މަޝްރޫއު އިއުލާން ކުރީ މިދިޔަ ޑިސެމްބަރު މަހު އެމްޑީޕީގެ ރިޔާސީ ޕްރައިމަރީގެ ކެމްޕެއިން ތެރޭގައެވެ. މިމަޝްރޫއުގެ އެއްވެސް އިތުރު ޕްލޭނެއް މިހާތަނަށް ހާމަކޮށްފައި ނުވާއިރު ފޮޓޯތަކެއް މިއަދު އާންމުކޮށްފައި މިވަނީ ވޯޓަށް މަދު ވަގުތުކޮޅަކަށް ވެފައިވަނިކޮށެވެ.
