Sunday, 15 November 2026
Advertisement
Ooredoo — Article-Top (leaderboard)
ދުނިޔެ

އިސްރާއީލުން ވަރުގަދަ ހަމަލާތަކެއްދީ، ފަލަސްތީނުގެ 10 މީހަކު ޝަހީދުކޮށްލައިފި

އިސްރާއީލުން ވަރުގަދަ ހަމަލާތަކެއްދީ، ފަލަސްތީނުގެ 10 މީހަކު ޝަހީދުކޮށްލައިފި

އިސްރާއީލުގެ ޔަހޫދީން، ފަލަސްތީނުގެ އުމުރުން ދުވަސްވީ އަންހެނަކު ހިމެނޭހެން، 10 މީހަކު ޝަހީދު ކޮށްލައިފިއެވެ.

މިއީ މިދިޔަ އަހަރު ކުރީކޮޅު އިސްރާއީލުން ހުޅަނގު އައްސޭރީގައި ދިން ހަމަލާތަކަށްވުރެ، ވަރުގަދަ ހަމަލާތަކެއް ކަމަށް ރިޕޯޓްތައް ބުނެއެވެ.

ފަލަސްތީނުގެ ސިއްހަތާ ބެހޭ ވުޒާރާއިން ބުނި ގޮތުގައި އިސްރާއީލު ސިފައިން އެ ސަރަހައްދަށް ވަދެ ހިންގި އޮޕަރޭޝަނާ ގުޅިގެން ޝަހީދުވި ފަލަސްތީނުގެ ނުވަ މީހުން އުޅެމުން ދިޔައީ ޖެނިން ރެފިއުޖީ ކޭމްޕްގައެވެ.

Advertisement
Allied Insurance — Square (box)

އަދި ޝަހީދުވި 10 ވަަނަ މީހާއަށް އަމާޒުކޮށް، ޔަހޫދީން ބަޑި ޖަހާފައިވަނީ ޤުދުސްގެ އުތުރުގައި އޮންނަ އަލްރާމް އަވަށުގައެވެ.

ފަލަސްތީނުން "ގަތުލުއާންމެއް" ގެ ގޮތުގައި ސިފަކުރާ ޖެނިން ހަމަލާގައި އިތުރު 20 މީހަކު ވަނީ ޒަހަމްވެފައެވެ. މީގެ ތެރެއިން، ހަތަރު މީހެއްގެ ހާލު ސީރިއަސްއެވެ.

މަރުވި މީހުންގެ ތެރޭގައި އުމުރުން ދުވަސްވީ އަންހެނަކު ވެސް ހިމެނޭ ކަމަށް ފަލަސްތީނުގެ އޮފިޝަލުން ބުނެއެވެ. ޖެނިން ހޮސްޕިޓަލްގެ އޮފިޝަލުން އޭނާ އަކީ މަގްދާ އޮބައިދު ނަމަކަށް ކިޔާ މީހެއް ކަމަށެވެ.

 

 

ރިއެކްޝަން

Advertisement
HDC — Sidebar (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.