ގަވާއިދަށް ނުފެތޭ ގިނަ ހެލްމެޓްތަކެއް ނައްތާލައިފި
އައްޑޫ ރައްޔިތުންނަށް ހަދިޔާއެއްގެ ގޮތުގައި ދޭން ޝީޝާ އިން ފުލުހުންނާ ހަވާލުކުރި ހެލްމެޓްތަކުގެ ތެރެއިން ގަވާއިދައް ނުފެތޭ ހެލްމެޓުތަައް ނައްތާލައިފިއެވެ.
މިއަދު ހެނދުނު ހިތަދޫ ކުނިކޮށި ސަރަހައްދުގައި މި ހެލްމެޓްތައް ނައްތާލާފައިވާ އިރު ޖުމްލަ 377 ހެލްމެޓް ވަނީ ނައްތާލައިފައެވެ. ޝީޝާ އިން އައްޑޫ ރައްޔިތުންނަށް ހަދިޔާކުރަން 500 ހެލްމެޓް ފުލުހުންނާ ހަވާލުކުރީ މިދިޔަ ޑިސެމްބަރު މަހުގެ 21 ގައެވެ.
ބްރިޖު އަދި ހައިވޭގައި ގަވައިދާ ހިލާފަށް ހެލްމެޓް ބޭނުންކުރާކަން ފެންނަމުންދިޔުމާ ގުޅިގެން ޤަވާޢިދުގައި ފާހަގަކޮށްފައިވާ މިންގަނޑަށް ނުފެތޭ ހެލްމެޓް ބޭނުންކުރާ ފަރާތްތަކާ މެދު ފިޔަވަޅު އަޅަމުންގެންދާނެ ކަމަށް ފުލުހުން ވަނީ ދާދި ފަހުން ވިދާޅުވެފައެވެ.
ގަވާއިދުގައިވާ ގޮތުން ހެލްމެޓް އެޅުމަށް މަޖުބޫރުކޮށްފައިވާ ސަރައްދުގައި ހެލްމެޓް ނާޅާ ނަމަ 750 ރުފިޔާ އަށް ޖޫރިމަނާ ކުރެވޭނެއެވެ. އަދި ހެލްމެޓްގައި ހުންނަ ޖެހޭ ޝަރުތު ފުރިހަމަ ނުވާ ނަމަވެސް އެ އަދަދުން ޖޫރިމަނާ ކުރާނެއެވެ.
