Tuesday, 17 November 2026
Advertisement
Allied Insurance (leaderboard)
ބޮލީވުޑް

ކިއާރާއާ ސިދާތުގެ ކައިވެނީގެ ހަފްލާތައް ފެށިއްޖެ، ޚަރަދު ވަރަށް ބޮޑު

ކިއާރާއާ ސިދާތުގެ ކައިވެނީގެ ހަފްލާތައް ފެށިއްޖެ، ޚަރަދު ވަރަށް ބޮޑު

ބޮލީވުޑް އެކްޓަރު ސިދާތު މަލޯތުރާ އާއި ބަތަލާ ކިއާރާ އާދުވާނީގެ ކައިވެނީގެ ހަފްލާތައް ފެށިއްޖެއެވެ.

މިއަދުން ފެށިގެން ތިން ދުވަހަށް ދިގު ދެމިގެންދާ މި ހަފްލާތައް ބާއްވަނީ ޖޭސަލްމޭރުގައި ހުންނަ އާސާރީ ހަވޭލީ ނުވަތަ ގަނޑުވަރެއްގައެވެ. މީޑިއާ ރިޕޯޓުތައް ބުނާ ގޮތުގައި އެ ގަނޑުވަރުގައި އެންމެ މަތީ ފެންވަރުގެ ކޮޓަރިތައް ހުރެއެވެ. އެތަންތަނަށް ރެއެއްގެ މައްޗަށް 110،500 އިންޑިއަން ރުޕީސްގެ ފީއެއް ދައްކަން ޖެހެއެވެ. އެންމެ އަގުހެޔޮ ކޮޓަރިއަށްވެސް ރެއަކަށް 20،000 އިންޑިއަން ރުޕީސް ދައްކަން ޖެހޭކަމަށް ރިޕޯޓުތައް ބުނެއެވެ.

ސިދާތުއާއި ކިއާރާ ލޯބީގެ ގޮތުން ގުޅިގެން އުޅޭކަމުގެ އަޑުތަކެއް މީގެ އަހަރެއްހާ ދުވަސް ކުރިން ފެތުރުނު ނަމަވެސް މިކަން އޮތީ އާންމުންނަށް ސިއްރުކޮށްފައެވެ. މިދިޔަ އަހަރުގެ ފަހުކޮޅު މިދެތަރިން ކައިވެނިކުރަން އުޅޭކަމުގެ އަޑުތަކެއްވެސް ފެތުރުނެވެ. އެހެންނަމަވެސް ރަސްމީކޮށް އެއްވެސް ތަރިއަކު އެކަން ކަށަވަރެއް ނުކޮށްދެ އެވެ.

Advertisement
Allied — Dhen Online (box)

މީޑިއާ ރިޕޯޓުތައް ބުނާ ގޮތުން ދެ ތަރިންގެ އާއިލާއާއި ގާތް ރަހުމަތްތެރިންނާއިއެކު މިއަދު ކައިވެނީގެ ހަފްލާތައް ފެށޭނެއެވެ. އަދި ތިން ދުވަހަށް މި ހަފްލާތައް ދެމިގެން ދާނެއެވެ.

ކިއާރާއާއި ސިދާތު ކައިވެނީގެ މައި ހަފްލާއަށް ލާނީ މަނީޝް މަލޯތުރާގެ ޑިޒައިނެވެ. މީގެ ދެ ދުވަސްކުރިން ދެ ތަރިން ފައިނަލް ފިޓިންއަށް މަނީޝްގެ ގެއަށް ދިޔަކަމަށް ރިޕޯޓުތައް ބުނެއެވެ.

ކިއާރާއާއި ސިދާތު އަލަށް ދިމާވީ ނެޓްފްލިކްސްއިން އުފެއްދި އެންތޮލޮޖީ "ލަސްޓް ސްޓޯރީޒް" ގެ ސެޓުންނެވެ. ދެމީހުންގެ ގުޅުން ބޮޑަށް ބަދަހިވެގެން ދިޔައީ މިދިޔަ އަހަރު ނިކުން "ޝޭރްޝާހު" ގެ ޝޫޓިންގެ ތެރެއިންނެވެ.

ރިއެކްޝަން

Advertisement
Allied — Dhen Online (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.