ސަރުކާރުގެ ފަރާތުން މަޖިލީހަށް 23 ބިލެއް ހުށަހަޅަން ނިންމައިފި

ރައްޔިތުންގެ މަޖިލީހުގެ 2023 ވަނަ އަހަރުގެ ފުރަތަމަ ދައުރަށް ސަރުކާރުގެ ފަރާތުން 23 ބިލެއް ހުށަހަޅަން ބަންޑާރަ ނައިބު އޮފީހުން ނިންމައިފި އެވެ.

Ads by STELCO

މިއަހަރަށް މަޖިލީހުގެ ޖަލްސާތައް ފަށަން ހަމަޖެހިފައިވަނީ މާދަމާ އެވެ. ބަންޑާރަ ނައިބު އޮފީހުން މިއަދު ބުނީ ފުރަތަމަ ދައުރަށް ހުށަހަޅަން ނިންމާފައިވާ 23 ބިލުގެ ތެރޭގައި ހިމެނެނީ؛

ގާނޫނު އަސާސީއަށް އިސްލާހު ގެނައުމުގެ ބިލު
ޖޭއެސްސީ ގާނޫނަށް އިސްލާހު ގެނައުމުގެ ބިލު
ގާނޫނުލްއުގޫބާތަށް އިސްލާހު ގެނައުމުގެ ބިލު
ޖިނާއީ އިޖުރާއަތުގެ ގާނޫނަށް އިސްލާހު ގެނައުމުގެ ބިލު
ޖިނާއީ މައްސަލަތަކުގައި ގާނޫނީ އެހީތެރިކަން ބަދަލުކުރުމުގެ ގާނޫނަށް އިސްލާހު ގެނައުމުގެ ބިލު
މަސްތުވާތަކެއްޗާ ބެހޭ ގާނޫނަށް އިސްލާހު ގެނައުމުގެ ބިލު
ގޭންގު ކުށްތައް މަނާކުރުމާއިބެހޭ ގާނޫނަށް އިސްލާހު ގެނައުމުގެ ބިލު
ތޫނު އެއްޗެހި ގެންގުޅުން މަނާކުރުމުގެ ގާނޫނަށް އިސްލާހު ގެނައުމުގެ ބިލު
މަނީ ލޯންޑަރިން ހުއްޓުވުމުގެ ގާނޫނަށް އިސްލާހު ގެނައުމުގެ ބިލު
ފުލުހުންގެ ގާނޫނަށް އިސްލާޙު ގެނައުމުގެ ބިލު
މައުލޫމާތު ހޯދާ ލިބިގަތުމުގެ ގާނޫނަށް އިސްލާހު ގެނައުމުގެ ބިލު
ރިޔާސީ އިންތިހާބުގެ ގާނޫނަށް އިސްލާހު ގެނައުމުގެ ބިލު
ކައުންސިލްތަކގެ އިންތިހާބުގެ ގާނޫނަށް އިސްލާހު ގެނައުމުގެ ބިލު
އިންތިހާބުތަކާއިބެހޭ ގާނޫނަށް އިސްލާހު ގެނައުމުގެ ބިލު
ހައްޖާއި އުމުރާގެ ބިލު
ކުޅިވަރު ގާނޫނަށް އިސްލާހު ގެނަައުމުގެ ބިލު
އިސްރަށްވެހިންގެ ބިލު
ފޮރިން އިންވެސްޓްމެންޓު ބިލު
އިންޑަސްޓްރިއަލް ރިލޭޝަންސްގެ ބިލު
ބްރޯޑްކާސްޓިންގް އޮތޯރިޓީގެ ބިލު
އަބުރާ ބެހުމުން ލިބޭ ގެއްލުމުގެ ބަދަލު ނަގައިދިނުމުގެ ބިލު
ޖަލުތަކާއި ޕެރޯލްގެ ގާނޫނަށް އިސްލާހު ގެނައުމުގެ ބިލު
ކުނި މެނޭޖުކުރުމުގެ ގާނޫނަށް އިސްލާހު ގެނައުމުގެ ބިލު

މިއަހަރު ހުށަހަޅަން ތައްޔާރުވެފައިވާ ބިލުތަކުގެ ތެރެއިން ޖޭއެސްސީ އިސްލާހު ކުރުމަށް ހުށަހަޅާ ބިލަކީ ރައީސް އިބްރާހިމް މުހައްމަދު ޞާލިހުގެ ރިޔާސީ ވައުދެކެވެ.