އެމްޑީޕީ ޕްރައިމަރީ ބާތިލް ކުރަން ހުޅައެޅި މައްސަލަ ކޯޓުން ބަލައިނުގަތް

މިދިޔަ ޖެނުއަރީ މަހުގެ 28 ވަނަ ދުވަހު އެމްޑީޕީން ބޭއްވި އެޕާޓީގެ ރިޔާސީ ޕްރައިމަރީ އަލުން ބޭއްވުމުގެ އަމުރަކަށް އެދި ރައީސް ނަޝީދަށް ތާއިދު ކުރައްވާ ފަރާތްތަކުން ސިވިލް ކޯޓަށް ހުށައެޅި މައްސަލަ ކޯޓުން ބަލައި ނުގަންނަން ނިންމައިފިއެވެ.
މިކަން ކަށަވަރު ކޮށްދެއްވާ ރައްޔިތުންގެ މަޖިލީހުގެ ހުޅުމާލެ ދާއިރާގެ މެމްބަރު އަލީ ނިޔާޒު ކުރެއްވި ޓްވީޓެއްގައި ވިދާޅުވީ އެމް.ޑީ.ޕީ ގެ ދަފްތަރުން އުނިކުރި މެމްބަރުންގެ މެމްބަރޝިޕް އިޔާދަ ކުރުމަށް ޝަރީއަތަށް ދިއުމުން ޤާނޫނާ ޚިލާފަށް އެކަން ކޮށްދެވެން ނެތްކަމަށް ޝަރީއަތުން ވަނީ ކަނޑައަޅާފައިކަމަށެވެ.
https://twitter.com/ali_niya/status/1626535208584617987
ވެރިކަން ކުރާ މައި ޕާޓީ އެމްޑީޕީގެ ރިޔާސީ ޕްރައިމަރީ އަލުން ބޭއްވުމުގެ އަމުރަކަށް އެދި ދިވެހިރާއްޖޭގެ ސިވިލް ކޯޓަށް މި މައްސަލަ ސިވިލް ކޯޓަށް ހުށަހެޅުއްވީ، އެމްޑީޕީގެ ރައީސް މުޙައްމަދު ނަޝީދަށް ތާއީދު ކުރައްވާ، ހެންވޭރު ދެކުނު ދާއިރާގެ ކުރީގެ މެމްބަރު އަދި މިހާރު ޕޮލިސް ބޯޑުގައި އިންނަވާ ހާމިދު އަބްދުލްޣަފޫރެވެ. އޭނާގެ ވަކީލެއްގެ ގޮތުގައި ކޯޓުގައި ވަކާލާތު ކުރައްވާނީ ކުރީގެ ބަންޑާރަ ނައިބުކަން ކުރެއްވި ދިޔާނާ ސަޢީދެވެ.
ޕްރައިމަރީއާއި ގުޅިގެން ހިޔާލުތަފާތުވުންތައް އިތުރުވެފައިވާއިރު ޕްރައިމަރީ ކާމިޔާބު ކުރެއްވި ރައީސް އިބްރާހިމް މުހައްމަދު ޞާލިހަށް ރިޔާސީ ޓިކެޓު ރަސްމީކޮށް އެރުވުމުގެ ހާއްސަ ޖަލްސާ މިރޭ ބޭއްވުމަށް ވަނީ ހަމަޖެހިފައެވެ.
މި ޖަލްސާ އޮންނާނީ މިރޭ 8:30 ގައި ކާނިވާ ސަރަހައްދުގައެވެ.







ކޮމެންޓް
މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.