މިއަދު ފެމެލީ ކޯޓުގައި 38 ކައިވެނި!
މިއަދުގެ ރީތި ތާރީހުގައި ފެމެލީ ކޯޓުގައި 38 ކައިވެނި ކޮށްދޭން ހަމަޖެހިފައިވާކަމަށް އެކޯޓުން ބުނެފިއެވެ.
ފެމެލީ ކޯޓުން މިއަދު ބުނި ގޮތުގައި މިއަދު ރަސްމީ ގަޑީގައި އެކޯޓުގައި 19 ކައިވެނި ކޮށްދިނުމަށް ހަމަޖެހިފައިވާއިރު ނުރަސްމީ ގަޑީގައިވެސް 19 ކައިވެނި ކޮށްދިނުމަށް ވަނީ ހަމަޖެހިފައިކަމަށް އެކޯޓުން ބުނެއެވެ.
މިއަދުގެ ރީތި ތާރީހުގައި 38 ކައިވެނި ކޮށްދިނުމަށް ހަމަޖެހިފައިވާއިރު ރާއްޖޭގައި އާއްމުގޮތެއްގައި ރީތި ތާރީހުތަކުގައި ވަރަށް ގިނަ މީހުން ކައިވެނިކުރެއެވެ.
މިގޮތުން މިއަހަރުގެ ޖެނުއަރީ މަހުގެ 23 ވަނަ ދުވަހުވެސް ފެމެލީ ކޯޓުގައި 18 ކައިވެނިވަނީ ކޮށްދީފައެވެ.
މާލޭގައި ކައިވެނިކޮށްދެމުން އަންނަ ފެމިލީ ކޯޓުން މިދިޔަ އަހަރު އެކަނި 2،514 ކައިވެނިކޮށް، 1،346 ފަހަރު ވަރިކޮށްދީފައިވާ ކަމަށް އެ ކޯޓުން މިމަހުގެ ކުރީކޮޅު އާއްމުކުރި ތަފާސްހިސާބުތަކުން ވަނީ ދައްކާފައެވެ.
