"ފާއިތުވި އަދި ހިނގަމުން މިދާ ސަރުކާރުތަކުން ކޮށްފައިވާ ރަނގަޅު ކަންކަން، ޖުމްހޫރީ ޕާޓީއަށް، މި ޕާޓީއަށްވެސް ނިސްބަތްވާނެ. މި ސަރުކާރުގައިވެސް އެންމެ ހިންގުންތެރި ވުޒާރާތަކުގައި މި ޕާޓީގެ ސްލޮޓްތަކުގައި ތިއްބެވި ވަޒީރުން ހިމެނިވަޑައިގަންނަވާކަން، އެންމެ ހިންގުންތެރި ކުންފުނިތަކުގައި، ރެއާ ދުވާލު ރައްޔިތުންގެ ޚިދުމަތްތަކުގައި ޖުމްހޫރީ ޕާޓީއަށް ނިސްބަތްވާ ބޭފުޅުން އުޅުއްވާ މަންޒަރު ތިޔަ ބޭފުޅުންނަށްވެސް ފެނިވަޑައިގަންނަވާނެ."ޤާސިމް އިތުރަށް ވިދާޅުވީ ވަޢުދު ފުއްދައިއފައި ޖޭޕީއަށް އެކަން ނިސްބަތް ނުކުރިޔަސް، ސަރުކާރު އެކުލަވައިލަން ވުމުން، އެ ޕާޓީ ވަރެއް ނޯންނަ ކަމަށެވެ. މިއަދު ފެށި ޖޭޕީގެ ގައުމީ ކޮންފަރެންސްގައި މިއަހަރު ބާއްވާ ރިޔާސީ އިންތިހާބުގައި އެ ޕާޓީން ވާދަ ކުރުމާ މެދު ގޮތެއް ނިންމާނެ އެވެ. ޖޭޕީގެ ކޮންފަރެންސް ކުރިއަށްދާނީ މާދަމާގެ ނިޔަލަށެވެ.
ސަރުކާރުން ކުރާ ރަނގަޅު ކަންކަމުގެ ކްރެޑިޓް ކޯލިޝަން ބައިވެރިޔާ، ޖޭޕީއަށް ނުދޭތީ ޤާސިމްގެ ނުރުހުން

ކޯލިޝަން ވެރިކަމެއް އޮތަސް، ވަޢުދުތައް ފުއްދައި، އެކަން ހާސިލު ކުރުމުގައި ކޯލިޝަންގެ ދައުރު އޮތް ކަމަށް ނުބުނާތީ، މި ސަރުކާރާއެކު ކޯލިޝަން ހަދައިފައިވާ ޖުމްހޫރީ ޕާޓީގެ ލީޑަރު ޤާސިމް އިބްރާހީމް ނުރުހުންފާޅު ކުރައްވައިފިއެވެ.
މިއަދު ފެށި ޖުމްހޫރީ ޕާޓީގެ ޤައުމީ ކޮންފަރެންސް ހުޅުވުމުގެ ރަސްމިއްޔާތުގައި ވާހަކަދައްކަމުން ރައްޔިތުންގެ މަޖިލީހުގެ މާމިގިލި ދާއިރާގެ މެމްބަރު، ޤާސިމް ވިދާޅުވީ ކޮންމެ ސަރުކާރެއް އެކުލަަވައިލުމުގައިވެސް އެ ޕާޓީގެ ދައުރު ވަރަށް ބޮޑު ކަމަށާއި، ކޮންމެ ފަހަރަކުވެސް އެ ޕާޓީންވެސް ރައްޔިތުންނަށް ގިނަ ކަންކަން ކޮށްދޭން ވަޢުދުތައް ވަމުން އައި ކަަމަށެވެ.
ނަމަވެސް މިހައިތަނަށް ރިޔާސީ އިންތިޚާބެއް ކާމިޔާބު ނުކުރެވޭތީ، ކޯލިޝަން ހަދައި، އެހެން ޕާޓީއެއްގެ މެނިފެސްޓޯއަށް ޖޭޕީން ބޭނުންވާ ކަންކަން ވައްދަން ޖެހޭ ކަމަށް ޤާސިމްގެ ވާހަކައިގައި ފާހަގަކުރެއްވިއެވެ.
އަދި ޖޭޕީއާއެކު ކޯލިޝަން ހަދައިގެން ސަރުކާރުތަކުން ހޯދި ކާމިޔާބީގައި އެ ޕާޓީގެ ހިއްސާ އޮންނާނެ ކަމީ ޝައްްކެއް އޮތް ކަމެއް ނޫން ކަމަށްވެސް ވިދާޅުވިއެވެ.
ނަމަވެސް ޤާސިމް ވަނީ، ގިނަ ފަހަރަށް ސަރުކާރު އެކުލަވާލުމަށްފަހު ސަރުކާރުން ހާސިލުކުރާ ރަނގަޅު ކަންކަން ޖޭޕީ އަށް ނިސްބަތް ކުރުމަށް ބައެއް ފަރާތްތަކުން ޖެހިލުންވާ ކަމަށް ވިދާޅުވެފައެވެ. އެހެންނަމަވެސް، ވެރިކަން ހޯދަން ވުމުން، ޖޭޕީ ވަރެއް ނޯންނަ ކަަމަށް ވިދާޅުވިއެވެ.





ކޮމެންޓް
މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.