މިއަދު ފެމިލީ ކޯޓުގައި 36 ކައިވެނި!
މިއަދުގެ ރީތި ތާރީޚުގައި ފެމިލީ ކޯޓުގައި 36 ކައިވެނި ކޮށްދޭން ހަމަޖެހިފައިވާކަމަށް އެކޯޓުން ބުނެފިއެވެ.
ފެމިލީ ކޯޓުން މިއަދު ބުނި ގޮތުގައި މިއަދު ރަސްމީ ގަޑީގައި އެކޯޓުގައި 18 ކައިވެނި ކޮށްދިނުމަށް ހަމަޖެހިފައިވާއިރު ނުރަސްމީ ގަޑީގައިވެސް 18 ކައިވެނި ކޮށްދިނުމަށް ވަނީ ހަމަޖެހިފައިކަމަށް އެކޯޓުން ބުނެއެވެ.
ރީތި ތާރީޚުތަކުގައި ކައިވެނި ކުރުމުގެ ސަގާފަތެއް ރާއްޖޭގައި އޮންނައިރު، މިދިޔަ ފެބްރުއަރީ މަހުގެ 23 ވަނަ ދުވަހުވެސް އެކޯޓުގައި ވަނީ 38 ކައިވެނިކޮށްދީފައެވެ. އަދި މިއަހަރުގެ ޖެނުއަރީ މަހުގެ 23 ވަނަ ދުވަހުވެސް ފެމެލީ ކޯޓުގައި 18 ކައިވެނިވަނީ ކޮށްދީފައެވެ.
ފެމިލީ ކޯޓުގެ މިއަދުގެ ސެޑިއުލަށް ބަލާއިރު ވަރިއާއި ގުޅުން ހުރި 15 މައްސަލައެއްވަނީ ތާވަލުކޮށްފައެވެ.
މީގެ ތެރޭގައި ވަރި ސާބިތު ކުރުމަށް އެދި ހުށައަޅާފައިވާ މައްސަލަތަކާއި ވަރިވުމަށް އެދި އަދި ވަރި ކުރުމަށް އެދި ހުށައަޅާފައިވާ މައްސަލަތައް ހިމެނެއެވެ.
