Sunday, 15 November 2026
Advertisement
Ooredoo — Airfibre (leaderboard)
ސިޔާސީ

ސަރުކާރުގެ މިނިވަން ޚާރިޖީ ސިޔާސަތެއް ނެތް: ޢަލީ ޙުސައިން

ސަރުކާރުގެ މިނިވަން ޚާރިޖީ ސިޔާސަތެއް ނެތް: ޢަލީ ޙުސައިން
މި ސަރުކާރުގެ މިނިވަން ޚާރިޖީ ސިޔާސަތެއް ނެތްކަން ސާބިތުވެއްޖެ ކަމަށް ރައްޔިތުންގެ މަޖިލީހުގެ ކެންދޫ ދާއިރާގެ މެންބަރު، ގާނޫނީ ވަކީލް ޢަލީ ޙުސައިން ވިދާޅުވެއްޖެއެވެ. އޭނާ މިހެން ވިދާޅުވީ ސަޢުދީ އަރަބިއްޔާ އާއި އީރާނުން އަލުން ސިޔާސީ ގުޅުން ޤާއިމު ކުުރުމަށް ނިންމުމުން، ދިވެހި ސަރުކާރުން ވެސް އީރާނާއެކު އަލުން ސިޔާސީ ގުޅުން ޤާއިމު ކުރަން ނިންމައިފައި ވަނިކޮށެވެ.
"މިނިވަން ޚާރިޖީ ސިޔާސަތެއް ނެތްކަން ސާބިތުވެއްޖެ،" އޭނާ ކުރެއްވި ޓްވީޓެއްގައި ވިދާޅުވިއެވެ.
 

ރާއްޖެއިން އީރާނާއެކު ސިޔާސީ ގުޅުން ޤާއިމު ކުރަން ނިންމިކަން ހާމަކުރައްވައި، ފޮރިން މިނިސްޓްރީން، ރޭގެ ވަގުތެއްގައި ނެރުއްވި ބަޔާނެއްގައި ވިދާޅުވީ، ސަޢޫދީ ޢަރަބިއްޔާ އާއި އީރާނުން ދެޤައުމުގެ މެދުގައި އަލުން ސިޔާސީ ގުޅުން ޤާއިމުކޮށް، ދެޤައުމުގެ އެމްބަސީތައް އަލުން ހުޅުވުމަށާއި ޤައުމުތަކުގެ ސިޔާދަތަށް ޙުރުމަތްތެރިކޮށް ހިތުމާއި، ޤައުމުތަކުގެ ދާޚިލީ ކަންކަމާ ނުބެހުމާ ގުޅޭ އަސާސް އަލުން ކަށަވަރުކޮށް ސަޢޫދީ ޢަރަބިއްޔާ އާއި އީރާނާއި ޗައިނާއިން ނެރެފައިވާ ގުޅިފައިވާ ބަޔާނަށް ދިވެހި ސަރުކާރުން މަރުޙަބާ ކިޔާ ކަމަށެވެ.

އަދި މި ހެޔޮ ބަދަލުތަކުގެ އަލީގައި ދިވެހި ސަރުކާރުން އީރާނާއެކު އަލުން ސިޔާސީ ގުޅުން ޤާއިމުކުރުމަށް ނިންމައިފައިވާ ކަމަށްވެސް ބަޔާނުގައިވެއެވެ.

ރާއްޖެއިން އިރާނާ ގުޅުން ކަނޑާލީ، ސައުދީ އަރަބިއްޔާއިން އިރާނާ ގުޅުން ކަނޑާލުމާ ގުޅިގެން 2016 ވަނަ އަހަރު, ރައީސް ޔާމީން އަބްދުލްޤައްޔޫމްގެ ވެރިކަމުގައެވެ.

ރިއެކްޝަން

Advertisement
Allied — Dhen Online (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.