ގުރައިދޫ ދާއިރާ ބައި-އިލެކްޝަން: އެމްޑީޕީ ޕްރައިމަރީގެ ވޯޓުލުން ފަށައިފި

ރައްޔިތުންގެ މަޖިލީހުގެ ގުރައިދޫ ދާއިރާގެ ހުސްވި ގޮނޑިއަށް މެންބަރަކު އިންތިޚާބު ކުރުމަށް ބާއްވާ ބައި-އިލެކްޝަންގައި، ވެރިކަން ކުރާ މައި ޕާޓީ، އެމްޑީޕީގެ ޓިކެޓުގައި ވާދަކުރައްވާނެ ކެންޑިޑޭޓެއް ކަނޑައެޅުމަށް ބާއްވާ އެ ޕާޓީގެ ޕްރައިމަރީގެ ވޯޓުލުން ފަށައިފިއެވެ.

ޕްރައިމަރީގައި ހަތަރު ކެންޑިޑޭޓަކު ވާދަކުރައްވައެވެ.

އެއީ:

މުޙައްމަދު މުސްތަފާ – ވިވިޑް / ކ. މާފުށި،

ސަލްމާން ރަޝީދު – މާފަރިވާގެ / ކ. މާފުށި، އިބްރާހިމް

ޝާޒް – ފައިވްރޯޒް / ކ ގުރައިދޫ އަދި އަބްދުﷲ

ސައީދު – ވެލި / ކ. ގުރައިދޫ

އެމްޑީޕީން ބުނެފައިވަނީ ގުރައިދޫ ދާއިރާ ބައި-އިލެކްޝަންގެ އެމްޑީޕީގެ ޕްރައިމަރީގައި ވޯޓުލުން މާލެއާއި އެ ދާއިރާގެ ރަށްރަށުގައި ފެށިގެން ކުރިއަށްދާއިރު، ޕްރައިމަރީގެ ވޯޓުލުން ކުރިއަށްދާނީ މިއަދުގެ ހެނދުނު 9:00 އިން ހަވީރު 5:00 އަށެވެ.

އެމްޑީޕީގެ މި ޕްރައިމަރީގެ ވޯޓުލުމަށް ކ.ގުޅި ސްކޫލުގައި ވޯޓު ފޮއްޓެއް، ކ މާފުށި ސްކޫލުގައި ވޯޓު ފޮއްޓެއް، ކ ގުރައިދޫ ޒުވާނުންގެ މަރުކަޒުގައި ވޯޓު ފޮއްޓެއް އަދި މާލޭގައި އެމް.ޑީ.ޕީ މައި ހަރުގޭގައި ވޯޓު ފޮއްޓެއް ބެހެއްޓިފައިވެއެވެ.

 

މި އިންތިޚާބުގައި ޕީޕީއެމްގެ ޓިކެޓުގައި ވާދަކުރައްވަނީ ގުރައިދޫ ދާއިރާގެ މެންބަރުގެ ގޮތުގައި ހުންނެވި އިބްރާހިމް ރިޒާގެ ކޮއްކޮ ޙުސެއިން ރިޒާއެވެ.

ގުރައިދޫ ދާއިރާގެ ބައި-އިލެކްޝަން އޮންނާނީ އަންނަ މަހުގެ 15 ގައެވެ. އެ ދާއިރާގެ ކުރީގެ މެމްބަރު ރިޒާ އަވަހާރަވެފައި ވަނީ ކެންސަރު ބައްޔަށް ފަރުވާ ހޯޯއްދަވަމުން ދަނިކޮށެވެ.