ސުހާނާއާއި އަގަސްޓިޔާގެ ގުޅުމަށް ބާރުދޭ ފޮޓޯތަކެއް!
ޝާހްރުކް ހާންގެ ދަރިފުޅު ސުހާނާ ހާނާއި އަމީތާބް ބައްޗަންގެ ކާފަ ދަރިފުޅު އަގަސްޓިޔާ ނަންދާ އުޅެނީ ރައްޓެހިވެގެން ކަމަށް ދުވަސްކޮޅެއް ކުރިން މީޑިއާގައި ފެތުރު ހަބަރަށް ބާރުދޭ ފޮޓޯތަކެއް މީޑިއާގައި ދައުރުވާން ފަށައިފިއެވެ.
ދައުރުވަމުންދާ ފޮޓޯތަކުން ފެންނަގޮތުގައި އަގަސްޓިޔާ ވަނީ ސުހާނާ ކާރަށް އެރުވުމަށް ފަހު "ފްލައިން ކިސް" އެއް ފޮނުވާލާފައެވެ. މިފޮޓޯތަކަކީ ސުނިލް ޝެޓީގެ ދަރިފުޅު އަހާން ޝެޓީގެ ލޯބިވެރިޔާގެ އުފަންދުވަހުގެ ޕާޓީއަށް ފަހު ސުހާނާ ގެއަށް ދާން ކާރަށް އަރަން ދިޔަ ވަގުތު ނަގާފައިވާ ފޮޓޯތަކެކެވެ. މިފޮޓޯތަކާއި އެކު ސުހާނާއާއި އަގަސްޓިޔާ ރައްޓެހިވެގެން އުޅޭކަމަށް ފެތުރެމުންދާ ވާހަކަތަކުގެ އަޑުތައް އަނެއްކާވެސް މިވަނީ ގަދަވެފައެވެ.
މިދެތަރިން ދިމާވި ކަމަށް ބުނަނީ ސުހާނާ ފުރަތަމަ ކުޅުނު ޒޯޔާ އަކްތަރުގެ "ދަ އާރޗީސް" ގެ ސެޓުންނެވެ. އޭގެ ފަހުން ދެމީހުން ގުޅުން ބާއްވަމުން އައިނަމަވެސް އެއްވެސް ވަރަކަށް އާންމުންގެ ތެރެއިން އެކީގައި ފެނިފައެއް ނުވެ އެވެ.
މީޑިއާ ރިޕޯޓުތައް ބުނާ ގޮތުގައި ސުހާނާ އާއި އަގަސްތިޔާ ލޯބީގެ ގޮތުން ގުޅިގެން އުޅޭތާ ދުވަސްތަކެއް ވެއްޖެ އެވެ. މިދިޔަ އަހަރުގެ ކްރިސްމަސް ސެލެބްރޭޝަންގެ ތެރެއިން ބޮލީވުޑްގެ ކަޕޫރު އާއިލާއިން ބޭއްވި އެއްވުމަކަށް ދެތަރިން ދިޔައީވެސް އެއްކޮށެވެ. އަދި މިހާރު އަގަސްތިޔަ އޭނާގެ މައިން ބަފައިންނާއި އާއިލާއަށް ސުހާނާ، ލޯބިވެރިޔާގެ ގޮތުގައި ތައާރަފުކޮށްދީފައިވާކަމަށްވެސް މީޑިއާތަކުން ބުނެ އެވެ.
Ads by STO
