Sunday, 15 November 2026
Advertisement
HDC — Share-Below (leaderboard)
ސިޔާސީ

މަވޯޓާ އެމްއާރްއެމަށް: މެމްބަރުން ހަމަނުވިޔަސް ހީވަނީ ލައްކައެކޭ

މަވޯޓާ އެމްއާރްއެމަށް: މެމްބަރުން ހަމަނުވިޔަސް ހީވަނީ ލައްކައެކޭ
ތިންހާސް މެމްބަރުން ވެސް ހަމަނުވެ، އަދި ރައްޔިތުންގެ މަޖިލީހުގައި އެ ޕާޓީއެއް ތަމްސީލު ކުރައްވާ އެންމެ މެމްބަރަކުވެސް ނެތަސް ބައެއް ސިޔާސީ ޕާޓީތަކަށް "ލައްކައެކޭ ހީވާ ކަމަށް" ރައްޔިތުންގެ މަޖިލީހުގެ މަރަދޫ ދާއިރާގެ މެމްބަރު އިބްރާހީމް ޝަރީފު(މަވޯޓާ) ވިދާޅުވެއްޖެއެވެ. ސަރުކާރާއެކުގައި މިހާރުވެސް ކޯލިޝަން ހަދައިފައިވާ އެމްއާރްއެމަށް 2023 ވަނަ އަހަރުގެ ރިޔާސީ އިންތިޚާބުގައި ވެސް، ރައީީސް އިބްރާހީމް މުޙައްމަދު ޞާލިޙާއެކު ނުކުތުމަށް ވަނީ ދަޢުވަތު އަރުވައިފައެވެ. ނަމަވެސް އެ ޕާޓީން އަދި މިހައިތަނަށް މިކަމާމެދު ގޮތެއް ނިންމައިފައެއް ނުވެއެވެ. މިކަމާ ގުޅިގެން މަވޯޓާ ވިދާޅުވީ މަޖިލީހުގައި މެމްބަރަކު ވެސް ނެތް ކުޑަ ޕާޓީ އަށް މިހާރު ހީވެގެން އުޅެނީ ލައްކައެކޭ ކަމަށެވެ.
"ކޯލިޝަން ހަދަން ދަޢުވަތެއް ލިބުނީމަ ބޮޑާވެ، ކިބުރުވެރި ވަނީ. ބޮޑާހާކާ ޕާޓީތަކުގެ ތެރޭގައި ނެތް މިހާރު ފަނަރަސަތޭކަ ވޯޓް ވެސް ހޯދައި ދެވޭނެ ވަރުގެ ބަޔަކު." މަވޯޓާ ވިދާޅުވިއެވެ.
އެމްއާރްއެމުން ރައީސް ޞާލިޙާއެކުގައި ކޯލިޝަން ހެދުމާމެދު ގޮތެއް ނިންމައިފައިނުވާއިރު، ސަރުކާރު ކޯލިޝަންގައި ހިމެނޭ ޖޭޕީން ވަނީ ރިޔާސީ އިންތިޚާބުގައި ވާދަ ކުރަން ނިންމައިފައެވެ. އެ ޕާޓީން ކޯލިޝަން ހަދަން ނިންމީ، އެމްޑީޕީގެ ރައީސް މުޙައްމަދު ނަޝީދުގެ ފެކްޝަނާ އެކުގައެވެ. އެމްޑީޕީގެ ރައީސް ޞާލިޙު ފެކްޝަނާއެކުގައި ކޯލިޝަން ހަދަން، މިހައިތަނަށް ނިންމީ ޢަދާލަތު ޕާޓީ އާއި އެމްޑީއޭ އެކަންޏެވެ.    

ރިއެކްޝަން

Advertisement
Allied Insurance — Square (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.