ކ އަތޮޅުން ފެށިގެން ތ އަތޮޅާ ހަމައަށް ރީނދޫ ސަމާލު!
މޫސުން ގޯސްވާނެ ކަމަށް ލަފާކުރައްވައި، ކ. އަތޮޅުން ފެށިގެން ތ. އަތޮޅާ ހަމައަށް މެޓް އޮފީހުން ރީނދޫ ސަމާލު ނެރުއްވައިފިއެވެ.
މިގޮތުން ރީނދޫ ސަމާލު ނެރެފައިވަނީ މިއަދު ހެނދުނު 9:00 އިން 12:00 އާ ހަމައަށެވެ.
މެޓް އޮފީހުން ވިދާޅުވީ، ރީނދޫ ސަމާލު ނެރެފައިވާ ސަރަހައްދަށް، އެ ސަމާލު ނެރެފައިވާ މުއްދަތުގައި ބާރަށް ގުގުރުމާއެކު ބޯކޮށް ވާރޭ ވެހޭނެ ކަމަށެވެ.
މޫސުން ގޯސްވާނެ ކަމަށް ލަފާކުރެވޭތީ، މެޓް އޮފީހުން ވަނީ ބައެއް ސަރަޙައްދުތަކަށް ހުދު ސަމާލުވެސް ނެރުއްވައިފައެވެ.
އެ އިދާރާއިން ހުދު ސަމާލު ނެރުއްވައިފައިވަނީ، މިއަދު ހެނދުނު 07:15 އިން ފެށިގެން މެންދުރު 13:00 އާއި ހަމައަށް ހއ. އަތޮޅުން ފެށިގެން ގއ. އަތޮޅުގެ ދެމެދުގައިވާ ރަށްތަކަށެވެ.
އެ އިދާރާއިން ނެރުއްވަފައިވާ އެލާޓުގައި ވަނީ، މިވަގުތުތަކުގައި ބޯކޮށް ވާރޭވެހުމާއެކު ގުގުރާނެކަމެށެވެ.
އެހެން ކަމުން އެންމެހައި ފަރާތްތަކުންވެސް މޫސުމަށް ޚާއްސަ ސަމާލުކަމެއް ދިނުމަށް މެޓުން އެދިވަޑައިގަންނަވައެވެ.
