ރައީީސް ޔާމީންގެ އަތްޕުޅު ބުރި ކުރަން މެމްބަރު ޝިފާއު ގޮވައިލައްވައިފި
އިދިކޮޅު ލީޑަރު، ރައީސް ޔާމީންގެ އަތްޕުޅު ބުރިކުރުމަށް ރައްޔިތުންގެ މަޖިލީހުގެ އިހަވަންދޫ ދާއިރާގެ މެންބަރު މުޙައްމަދު ޝިފާއު ގޮވައިލައްވައިފިއެވެ.
ރައީސް އިބްރާހީމް މުޙައްމަދު ޞާލިޙާ ގާތް ގުޅުމެއް އޮންނަ ޝިފާއު މިފަދައިން ވިދާޅުވީ، މަޖިލީހުގެ ވަޓްސްއަޕް ގުރޫޕުގައި ޗާގޮސް މައްސަލައާ ގުޅިގެން މެންބަރުންގެ މެދުގައި ކުރެވުނު ބަހުސެއްގެ މެދު ތެރެއިން ގުރޫޕަށް ފޮނުއްވި މެސެޖެއްގައެވެ.
ރައީސް ޔާމީނުގެ އަތްޕުޅު ބުރިކުރަން ޖެހޭނެކަމަށް ވިދާޅުވުމުގެ އިތުރަށް އެމަނިކުފާނު އިތުރު 100 އަހަރަށް ޖަލަށްލާންޖެހޭ ކަމަށްވެސް ޝިފާއު ވިދާޅުވިއެވެ.
ޝިފާއު ވަނީ މީގެ ކުރިން ވެސް ރައީީސް ޔާމީނަށް ނިސްބަތްކުރައްވާ މިފަދަ ބައެއް ވާހަކަތައް ދައްކަވައިފައެވެ. އިދިކޮޅު ލީޑަރު ރައީސް ޔާމީން މިހާރު ވެސް ގެންދަވަނީ 11 އަހަރުގެ ޖަލު ޙުކުމެއް ތަންފީޒު ކުރައްވަމުންނެވެ.
އެމަނިކުފާނަށް މި އަހަރުގެ ރިޔާސީ އިންތިޚާބުގައި ވާދަ ކުރެއްވޭނީ، ޖަލު ޙުކުމުން މިނިވަންވެޑައިގެންފިނަމައެވެ.
ޔާމީނުގެ އަތް ބުރިކުރެވޭނީ ވައްކަމުގެ ހުކުމް ކުރިން ކުރެވި ހުކުމްތަނފިޒު ކުރެވުނު ގ. ކެނެރީގެ މުހަންމަދު ނަސީދުގެ އަތް ކެނޑުމަށް ފަހު. އޭގެފަހުން ޔާމީނުގެ މައްޗަށް ސާބިތުވިޔަސް އަތްކަނޑަންވާނެ.