ޝަހީދު ވިދާޅުވާ ސިޔާސަތަކީ ރާއްޖޭގައި ޕޯޗުގީޒުން ގެންގުޅުނު ސިޔާސަތު: ބޮންޑޭ
ކުރީގެ ފޮރިން މިނިސްޓަރު ޑރ. އަހްމަދު ޝަހީދު ވިދާޅުވާ ސިޔާސަތަކީ ރާއްޖޭގައި ޕޯޗުގީޒުން ގެންގުޅުނު ސިޔާސަތު ކަމަށް ރައްޔިތުންގެ މަޖިލީހުގެ މާފަންނު މެދު ދާއިރާގެ މެމްބަރު އިބްރާހިމް ރަޝީދު (ބޮންޑޭ) ވިދާޅުވެއްޖެއެވެ.
ބޮންޑެ މިފަދައިން ވިދާޅުވީ ޗާގޯސްގެ މައްސަލާގައި ރާއްޖޭން ދަމަހައްޓަމުން އައި ސިޔާސަތު 2010 ވަނަ އަހަރު ބަދަލުކުރި ކަމަށް ކުރީގެ ބަންޑާރަ ނައިބު އާއިޝަތު އާޒިމާ ޝަކޫރު ވިދާޅުވިޔަސް އެއީ ދޮގެއް ކަމަށާއި ރާއްޖެ މިނިވަންވީންސުރެ ސިޔާސަތަކީ މޮރިޝަސް އަށް ޗާގޯސް ލިބުން ކަމަށް ޝަހީދު ވިދާޅުވުމާއި ގުޅިގެންނެވެ.
މިކަމާއި ގުޅިގެން ބޮންޑެ ކުރެއްވި ޓްވީޓެއްގައި ވިދާޅުވީ ދިވެހިން އަބަދުވެސް ގެންގުޅޭ ސިޔާސަތަކީ މިނިވަންކަމުގެ ސިޔާސަތު ކަމަށެވެ. އަދި ސިއްރު ސިޓީއަކުން ސިއްރު ޑީލަކުން ދިވެހިންނަށް ހައްގުވާ ފޯޅަވައްސާއި އަދި މަސްކަނޑުތައް ވިއްކާލާ އަޅުވެތިވާކަށް ގައުމުގެ ލޭ ހިނގާ އެއްވެސް ދަރިޔަކު ނޭދޭނެ ކަމަށް ބޮންޑެ ވިދާޅުވިއެވެ.
”ސަހީދު ތިޔަވިދާޅުވާ ސިޔާސަތަކީ ރާއްޖޭގައި ޕޯޗުގީޒުންގެންގުޅުނު ސިޔާސަތެއް. އަނދިރިއަނދިރީންގެ ސިއްރު ސިޓީ އަދި ސިއްރުޑީލުގެ ސިޔާސަތު” ބޮންޑެ ވިދާޅުވިއެވެ.
މީގެންއެގެނީގައުމައްހެޔޮއެދޭވެރިޔަކުނާންނަކަން
ޝަހީދަކީ ތީކާކު ތީ އަޓީބީ ފެއާގާ ރާއްޖެއާދެކޮޅަށް މަސައްކަތް ކުރި ޣައްދާރެއް ޚާއިނެއް، މިހާރުވެސް އެކުރަނީ އެމަސައްކަތް.