ބަރަވެލި ތޮއްޓެއްގައި އެމްޑީޕީގެ ލޯގޯގައި ނުކުމު ހިތުހުރި އެއްޗެއް މި ޤައުމަށް ހެދޭނެ ކަމަށް ހީނުކުރާތި: ބޮންޑޭ
ޕާޓީއަށްވުރެ އިސްކުރަން ޖެހޭނީ ޤައުމު ކަމަށާއި ބަރަވެލި ތޮއްޓެއްގައި އެމްޑީޕީގެ ލޯގޯގައި ނުކުމު ހިތުހުރި އެއްޗެއް މިގައުމަށް ހެދޭނެކަމަށް ހީނުކުރެވުމަށް ރައްޔިތުންގެ މަޖިލީހުގެ މާފަންނު މެދު ދާއިރާގެ މެމްބަރު އިބްރާހިމް ރަޝީދު (ބޮންޑޭ) އެދިލައްވައިފިއެވެ.
އިމުގެ މައްސަލައިގައި ސަރުކާރުގެ ބައެއް ވަޒީރުންގެ އިތުބާރު ނެތްކަމުގެ މައްސަލަތައް ރައްޔިތުންގެ މަޖިލީހަށް ވައްދަމުން އަންނަ މިދަނޑިވަޅުގައި، އެމްޑީޕީގެ ބައެއް މެމްބަރުންނާމެދު ފިޔަވަޅު އެޅުމަށް އެދިފައިވާއިރު، ބޮންޑޭ ވިދާޅުވީ ފުލުހުންނާއި ސިފައިންނަށްވެސް ޕެޓިޝަންތަކުގައި ޤައުމުވިއްކުމާއި ދެކޮޅަށް ސޮއެކުރެވޭނެކަމަށެވެ.
"ޕާޓީއަށްވުރެ އިސްކުރަން ޖެހޭނީ ތިމާގެ ޤައުމެވެ.! ބަރަވެލި ތޮއްޓެއްގައި އެމްޑީޕީގެ ލޯގޯގައި ނުކުމު ހިތުހުރި އެއްޗެއް މި ޤައުމަށް ހެދޭނެކަމަށް ހީނުކުރާށެވެ.! ފުލުހުންނާއި ސިފައިންނަށް ވެސް މިފަދަ ޤައުމީ ޕެޓިޝަންތަކުގައި ގައުމުވިއްކުމާއި ދެކޮޅަށް ސޮއެކުރެވޭނެއެވެ" ބޮންޑޭ ވިދާޅުވިއެވެ.
އޭނާ ވިދާޅުވީ ރާއްޖޭން އީޔޫގެ ޤައުމުތަކަށް އެކްސްޕޯޓުކުރާ މަހުގެ ބާވަތްތަކަށް ނަގަމުންދާ 22 ޕަސެންޓު ކަނޑާލަނީކަމަށް ބުނެ ރައްޔިތުންގެ ކުރިމަތީގައި ފޮރިން މިނިސްޓަރު ޝާހިދު ހެއްދެވީ ދޮގުކަމަށެވެ.
"ދައުރު ހަމަވާއިރުވެސް ޖީބަށް ހަމައަގު ނުލެވިގެން މިއުޅެނީ މި ސަރުކާރުގެ އިސްކޮށްތިބި މީހުންނާއި ޝާހިދު މޮރިޝަސް އާއި އެކު ގެންގުޅޭ އަޑި ނޭނގޭ ސިއްރު ސިޓީ ސިއްރު ޑީލުގެ ކަނޑުވިއްކާ ޤައުމުވިއްކާ މަކަރުވެރި ސިޔާސަތުގެ ސަބަބުންނެވެ." ބޮންޑޭ ވިދާޅުވިއެވެ.
ބޮންޑޭ އިތުރަށް ވިދާޅުވީ އިސްތިއުމާރުކޮށްގެން މިއުޅެނީ ދިވެހިންގެ މަސްކަނޑާއި ދިވެހި ޤައުމުގެ ސަރަހައްދެއްކަން މޮރިޝަޝް އަށްވެސް އަދި މިއަދު އުފަންވާ ދިވެހި ދަރިއަކަށްވެސް އެނގޭނެ ކަމަށެވެ.
އިމުގެ މައްސަލައިގައި އޭޖީގެ އިތުބާރު ނެތްކަމުގެ މައްސަލަ މަޖިލީހަށް ވައްދައިފައިވާއިރު، އެ މައްސަލައިގައި ސޮއި ކުރެއްވުމުން ރައްޔިތުންގެ މަޖިލީހުގެ މެދު ހެންވޭރު ދާއިރާގެ މެމްބަރު ޢަލީ ޢާޒިމް ވަނީ، ރޭ އެމްޑީޕީއިން ވަކިކޮށްފައެވެ.
އަމިއްލަ އެދުންބާ ނޫނީ ގައުމާހެދީބާ މިއުޅެނީ ؟؟؟