Monday, 16 November 2026
Advertisement
Ooredoo — Airfibre (leaderboard)
ސިޔާސީ

ރިޔާސީ އިންތިހާބުގައި ދަ ޑިމޮކްރެޓްސްއިން ކޯލިޝަން ހަދަން ޖެހިއްޖެ ހާލަތެެއްގައި އެކަން ކުރާނެ: ހަސަން ލަތީފް

ރިޔާސީ އިންތިހާބުގައި ދަ ޑިމޮކްރެޓްސްއިން ކޯލިޝަން ހަދަން ޖެހިއްޖެ ހާލަތެެއްގައި އެކަން ކުރާނެ: ހަސަން ލަތީފް

އަންނަ ސެޕްޓެމްބަރު މަހު އޮންނަ ރިޔާސީ އިންތިހާބުގައި “ދަ ޑިމޮކްރެޓްސް”އިން ކެނޑިޑޭޓަކު ނެރޭނެ ކަމަށާއި ކޯލިޝަން ހަދަން ޖެހިއްޖެ ހާލަތެއްގައި އެކަން ކުރާނެ ކަމަށް ރައްޔިތުންގެ މަޖިލީހުގެ ހެންވޭރު ހުޅަނގު ދާއިރާގެ މެމްބަރު ހަސަން ލަތީފު ވިދާޅުވެއްޖެއެވެ.

"ދަ ޑިމޮކްރެޓްސް" ގެ ނަމުގައި ޕާޓީއެއް އުފައްދުމުގެ ހުއްދަ ހޯއްދަވަން އިލެކްޝަންސް ކޮމިޝަން (އީސީ) އަށް ހުށަހެޅުއްވުމަށް ފަހު ނޫސްވެރިންނާ ވާހަކަ ދައްކަވަމުން ހަސަން ވިދާޅުވީ އެ ޕާޓީގެ ކެނޑިޑޭޓަކު ރިޔާސީ އިންތިހާބުގައި ވާދަކުރައްވާނެ ކަމަށެވެ.

ހަސަން ވިދާޅުވީ ކެނޑިޑޭޓަކު ނެރުނު ނަމަވެސް އެހެން ޕާޓީތަކާ މަޝްވަރާ ކުރައްވާނެ ކަމަށާއި މަޝްވަރާގެ މަތިން ކޯލިޝަން ހަދަން ޖެހިއްޖެ ހާލަތެއްގައި އެކަން ވެސް ކުރައްވާނެ ކަމަށް ހަސަން ވިދާޅުވިއެވެ.

Advertisement
HDC — Sidebar (box)

“އަޅުގަނޑުމެންގެ ކެނޑިޑޭޓަކު ހުންނާނެ. އެހެންނަމަވެސް އަބަދުވެސް އަޅުގަނޑުމެން މަޝްވަރާއަށް ދާނަން އެހެން ޕާޓީތަކާ އެކީ. މި ދަންނަވާ ވާހަކައަކީ ކޯލިޝަން ހަދަން ޖެހޭ ހާލަތެއްގައި ކޯލިޝަންވެސް ހަދާނެ. އެހެންނަމަވެސް ދަ ޑިމޮކްރެޓްގެ ކެނޑިޑޭޓަކު ހުންނާނެ” ހަސަން ވިދާޅުވިއެވެ.

މީގެ އިތުރުން ޕާޓީއަށް ލިބެމުންދާ ތަރުހީބު ވަރަށް ބޮޑު ކަމަށާއި އެމްޑީޕީގެ ދާއިރާ ރައީސުންގެ ގޮތުގައި ތިއްބެވި ގިނަ ބޭފުޅުންނާއި ކައުންސިލަރުންނާއި ރައްޔިތުންގެ މަޖިލީހުގެ އިތުރު މެމްބަރުން ވެސް މި ޕާޓީއާ ގުޅިވަޑައިގަންނަވާނެ ކަމަށް ހަސަން ވިދާޅުވިއެވެ.

ރިއެކްޝަން

Advertisement
Allied Insurance — Square (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.