ރައީސްގެ ބަސްފުޅާއި، ޢަމަލާ ސީދާ ދިމާ އިދިކޮޅު: ވައްޑޭ
ރައީސް އިބްރާހީމް މުޙައްމަދު ޞާލިޙު ޢަމަލު ކުރައްވަނީ، ބަހާއި ޢަމަލާ ދިމާ އިދިކޮޅަށް ކަމަށް ރައްޔިތުންގެ މަޖިލީހުގެ އުނގޫފާފު ދާއިރާގެ މެމްބަރު، މުޙައްމަދު ވަހީދު(ވައްޑޭ) ވިދާޅުވެއްޖެއެވެ.
ވައްޑޭ މިހެން ވިދާޅުވީ، އޭނާ ކުރެއްވި ޓްވީޓެއްގައި، ރައީސް ޞާލިޙުގެ އިންޓަރވިޔުއެއްގެ ވީޑިއޯއެއް ހިއްސާ ކުރައްވަމުންނެވެ. ޓީވީ ޗެނަލަކަށް ދެއްވި ބަސްދީގަތުމުގައި ރައީސް ޞާލިޙު ވަނީ، ކުރީ ސަރުކާރުގައި ސިޔާސީ މަޤާމުތައް ގިނަކަން ފާހަގަކުރައްވައި، އެކަމަށް ފާޑުވިދާޅުވެފައެވެ.
އެގޮތުން ރައީސް ވިދާޅުވީ، ގިނަ ކޯޑިނޭޓަރުން ނުލައިވެސް، ވުޒާރާތައް ހިންގިދާނެ ކަމަށެވެ.
https://twitter.com/waddey_/status/1666431618008104961?t=uD7RF-0XzRE9vQZ1K0mN_A&s=19
ވައްޑޭ ވިދާޅުވީ، ރައީސްގެ ބަސްފުޅާއި ޢަމަލުފުޅު ދިމާ ނުވާ ކަމަށެވެ. އޭނާ އެހެން ވިދާޅުވިއިރު، މި ސަރުކާރުގައި ސިޔާސީ މަޤާމުތައް ގިނަކަން، ސަރުކާރަށް ފާޑުކިޔާ ފަރާތްތަކުން ފާހަގަހަގަކުރެއެވެ.
Ads by STO
