ރިޔާސީ އިންތިހާބުގައި ވާދަކުރެެެއްވުމަށް މުނައްވަރު ސޮއި ހޯދުމުގެ މަސައްކަތް ފަށައިފި
ރިޔާސީ އިންތިހާބުގައި އަމިއްލަ ގޮތުން ވާދަކުރެއްވުމަށް ނިންމަވާފައިވާ ކުރީގެ ބަންޑާރަ ނައިބު ޑރ. މުހައްމަދު މުނައްވަރު ސޮއި ހޯއްދެވުމުގެ މަސައްކަތް ފައްޓަވައިފިއެވެ.
އިންތިހާބުގައި ވާދަކުރައްވާނެ ކަމަށް މުނައްވަރު އިއުލާންކޮށްފައިވަނީ މާޗް މަހުގެ ތެރޭގައެވެ. މުނައްވަރު ވިދާޅުވީ ދައުލަތުގެ ދަރަނި ބޮޑުވެފައިވާއިރު، ހަރަދު ކުޑަކުރުމުގެ ބަދަލުގައި މިހާރު ވެސް ފެންނަމުންދަނީ "އިންތިހާބީ ބޭނުމަށް އިތުރަށް ގޯސްވަމުންދާ ތަން" ކަމަށެވެ.
އަދި ރިޔާސީ އިންތިހާބުގައި ސިޔާސީ ޕާޓީއަކާއެކު ކޯލިޝަން ހެދުމުގެ ވިސްނުމެއް ނެތް ކަމަށާއި، "މި ނުކުންނަނީ ދިވެހި ރައްޔިތުންނާއެކު ކޯލިޝަން ހަދަން" ކަމަށް ޑރ. މުނައްވަރު އޭރު ވިދާޅުވިއެވެ.
މިކަމާއި ގޫޅެގޮތުން މިއަދު މުނައްވަރު ވިދާޅުވީ ރާއްޖޭގެ އެކި ރަށްތަކުގައި އޭނާއަށް ތާއީދު ހޯދުމަށް މަސައްކަތް މިހާރު ފައްޓަވާފައިވާ ކަމަށެވެ. މިހާތަނަށް ލިބުނު ސޮއިގެ އަދަދު ހާމަނުކުރެއްވި ނަމަވެސް މުނައްވަރު ވިދާޅުވީ ވަރަށް އަވަހަށް ސޮއި ހަމަވާނެ ކަމަށެވެ.
މުނައްވަރު ވަނީ ރާއްޖޭގެ ބަންޑާރަ ނައިބުކަމުގެ މަގާމު 10 އަހަރު ދުވަހަށްވުރެ ދިގު މުއްދަތަކަށް ފުރުއްވާފައެވެ. މުނައްވަރަކީ މިހާރު ވެރިކަމުގައި އޮތް އެމްޑީޕީގެ ދެވަނަ ރައީސްކަމުގައިވާއިރު، އޭނާ ވަނީ 2008 ވަނަ އަހަރު އެމްޑީޕީގެ ރިޔާސީ ޕްރައިމަރީގައި މިހާރު އެ ޕާޓީގެ ރައިސްކަން ކުރައްވަމުންގެންދަވާ މުހައްމަދު ނަޝީދާއިވެސް ވާދަކުރައްވާފައެވެ.
އަނެއްކާ ހުވަފެނެއްފެނުދޯ 10 ބަންޑާރަނައިބުކަންކޮއްފަ ހުރި ކޮހެއް މިހާރު ވެރިކަންބޭނުމީ ސާބަސް މަނިކުފާން ދެންހުރީ އިލިޔަސް ލަބީބު އެހެރީ ވެރިކަމައް ބޫތްކައިފަ ބޮޑުވަރުތީ
ޚަނޑުތަކުގެ ގާނޫނީ އިލްމުލިބިހުރެ ޗާގޯސް މައްސަލަ ނިމިގެންދިޔައިރު އެޓާނީކަމުގާ ރައްޔިތުންނަށް މައުލޫމާތު ނުދީހުރި ފިނޑިއެއް.