Sunday, 15 November 2026
Advertisement
Ooredoo — Airfibre (leaderboard)
ސިޔާސީ

މިނިވަން ދުވަސް: ގާސިމްގެ ހުރިހާ ޝުކުރެއް ރައީސް ނާސިރަށް!

މިނިވަން ދުވަސް: ގާސިމްގެ ހުރިހާ ޝުކުރެއް ރައީސް ނާސިރަށް!

މިއަދު ފާހަގަ ކުރަމުންދާ 58 ވަނަ މިނިވަން ދުވަހުގެ ހުރިހާ ޝުކުރެއް ހައްގު ވަނީ ކުރީގެ ރައީސް އިބްރާހީމް ނާސިރަށް ކަމަށް ވިދާޅުވެ ޖުމްހޫރީ ޕާޓީގެ ލީޑަރު ގާސިމް އިބްރާހިމް އެމަނިކުފާނަށް ވަރަށް ބޮޑަށް ތައުރީފް ކުރައްވައިފިއެވެ.

މިނިވަން ދުވަހުގެ މުނާސަބާގައި ޖުމްހޫރީ ޕާޓީން ރޭ ބޭއްވި ޖަލްސާގައި ދިން އޯޑިއޯ ސްޕީޗުގައި ގާސިމް ވިދާޅުވި ރައީސް ނާސިރު ރާއްޖޭގެ ވެރިކަމާއި ހަވާލުވުމަށްފަހު ކަންކަން ފަށަން ޖެހުނީ ސުމަކުން ކަމަށެވެ.

"އެމަނިކުފާނަކީ ގައުމުގެ އިގްތިސާދު ސުމަކުންފަށައިގެން ފަތުރުވެރިކަމާއި މަސްވެރިކަމާއި އެއީ ގައުމު އިގްތިސާދުގެ މައި ދެ ތަނބުގެ ގޮތުގައި ތަރައްގީ ކުރެއްވި ބޭފުޅާވެސްމެ" ގާސިމް ވިދާޅުވިއެވެ.

Advertisement
HDC — Sidebar (box)

ގާސިމް އިތުރަށް ވިދާޅުވީ ދިވެހިންނަށް ތައުލީމު ފޯރުކޮށްދިނުމަށް ވެސް އެމަނިކުފާނު ވަނީ ގިނަ ހިދުމަތްތަކެއް ފޯރުކޮށް ދީފައިކަމަށެވެ. އަދި ދަތުރުފަތުރު ކުރުމުގެ މިނިވަންކަން ދިވެހިންނަށް ހޯދައިދެއްވީވެސް އެމަނިކުފާނު ކަމަށް ގާސިމް ފާހަގަ ކުރެއްވިއެވެ.

"މިގޮތުން ގައުމުގެ ފަހުރުކަމުގައި މިދެކޭ ވެލާނާ ވައިގެ ބަނދަރުގެ ހަގީގީ މޭސްތިރިއަކީވެސް އެމަނިކުފާނު" ގާސިމް ވިދާޅުވިއެވެ.

ގާސިމް ވިދާޅުވީ ދިވެހިރާއްޖެ މިއަދު މިދެކޭ ތަރައްގީގެ އޮއިވަރު ފައްޓަވައިދެއްވި ދިވެހިރާއްޖޭގެ ޒަމާނީ ތަރައްގީގެ ބިންގާ ކަމަށެވެ. އަދި އެމަނިކުފާނަކީ ދިވެހިންގެ މިނިވަންކަމުގެ ބާނީ ކަމަށް ގާސިމް ވިދާޅުވިއެވެ.

ރިއެކްޝަން

Advertisement
Allied — Dhen Online (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.