ރައީީސް ޞާލިޙަކީ ޓެސްޓުން ފާސްވެފައިވާ ޕްރޮޑަކްޓެއް: ސިޔާމް
ރައީީސް އިބްރާހީމް މުޙައްމަދު ޞާލިޙު އަކީ ޓެސްޓުކޮށް، އެ ޓެސްޓުން ފާސްވެފައިވާ "ޕްރޮޑަކްޓް"އެއް ކަމަށް އެމަނިކުފާނާއިއެކުގައި، މި އަހަރުގެ ރިޔާސީ އިންތިޚާބަށް ނުކުންނަ އެމްޑީއޭގެ ލީޑަރު، އަޙްމަދު ސިޔާމް ވިދާޅުވެއްޖެއެވެ.
ސިޔާމް މިފަދައިން ވިދާޅުވެފައި ވަނީ، ރޭ ދ.ކުޑަހުވަދޫގައި ބޭއްވި ކެމްޕެއިން ޖަލްސާގައި ވާހަކަ ދައްކަވަމުންނެވެ. ދ.މީދޫ ދާއިރާގެ މަޖިލިސް މެމްބަރުކަން ވެސް ކުރައްވާ ސިޔާާމް ވަނީ ރައީސް ޞާލިޙަށް ވަރަށް ބޮޑަށް ތަޢުރީފު ވެސް ކުރައްވައިފައެވެ.
"އަޅުގަނޑުމެން، އެ ޕްރޮޑަކްޓް ރަނގަޅު ގޮތުގައި، އާދެ، އަޅުގަނޑުމެން، ރައީސުލްޖުމްހޫރިއްޔާ، ވިއްކަން މި ކުރާ މަސައްކަތަކީ ދިވެހިރާއްޖޭގެ ރައްޔިތުންގެ ޙައްޤުގައި ކުރާ މަސައްކަތް." އޭނާ ވިދާޅުވިއެވެ.
ސިޔާާމް ވަނީ ރައީީސް ޞާލިޙު ހޮވަން މަސައްކަތް ކުރާ ސަބަބު ވެސް ވިދާޅުވެދެއްވައިފައެވެ. އޭނާ ވިދާޅުވީ، ރައްޔިތުންގެ މަޖިލީހުގެ މެމްބަރެއްގެ ގޮތުގައި 20 އަހަރު މަސައްކަތް ކުރިއިރު، ކުޑަހުވަދޫ ހިމެނޭހެން ދ.އަތޮޅުގެ ރަށްތަކުގެ ރައްޔިތުން ބޭނުންވާ ކަންކަން ސަރުކާރުގައި ދަންނަވަމުން އައި ނަމަވެސް، އޭގެ އެންމެ އިންސައްތައެއްވެސް ހާސިލު ކޮށް ނުދޭ ކަމަށެވެ. އޭނާ ވިދާޅުވި ގޮތުގައި، ރައްޔިތުން އެދޭ ކަންކަމުގެ އެންމެ އިންސައްތައެއް ވެސް ހާސިލު ނުކޮށްދެވެއެވެ.
ސިޔާާމް އިތުރަށް ވިދާޅުވީ ރައީސް ޞާލިޙު ތަފާތު ކަމަށާއި، ރައްޔިތުން ބޭނުންވާ ކަންކަމަށްވުރެ އިތުރަށް ވެސް، އެމަނިކުފާނު ކަންކަން ކޮށްދެއްވާ ކަމުގައެވެ.
