މަތީ ތަޢުލީމު ޙާސިލު ކުރަންދިން ލޯނުގެ 58 އިންސައްތަ ދިނީ އަންހެނުންނަށް: ރޮޒައިނާ
މަތީ ތަޢުލީމު ޙާސިލު ކުރަން މި ސަރުކާރުން ދިން ލޯނުގެ 58 އިންސައްތަ ދީފައިވަނީ އަންހެނުންނަށް ކަމަށް މަޖިލީހުގެ އައްޑޫ މީދޫ ދާއިރާގެ މެމްބަރު ރޮޒައިނާ އާދަމް ވިދާޅުވެއްޖެއެވެ.
ރޮޒައިނާ މިހެން ވިދާޅުވީ އިއްޔެ ބޭއްވި "އުފާވެރި އަންހެނުން- ޓީ ވިތު އިބޫ"ގައި ވާހަކަ ދައްކަވަމުންނެވެ.
އެމްޑީޕީގެ އަންހެނުންގެ ރޫޙުގެ ރައީސާ ވިދާޅުވި ގޮތުގައި، ވިހެއުމުން ދޭ ހަ މަހުގެ ޗުއްޓީ މިހާތަނަށް 4026 އަންހެނުންނަށް ލިބިފައިވެއެވެ.
އަދި ނަރުހުންގެ މުސާރަ ބޮޑުކޮށް، ފުރަތަމަ ފަހަރަށް އަންހެން ފަނޑިޔާރުން ސުޕްރީމް ކޯޓަށް ހަމަޖެއްސެވީ ވެސް ރައީސް އިބްރާހީމް މުޙައްމަދު ޞާލިހު ކަމަށް ރޮޒައިނާ ވިދާޅުވިއެވެ.
އޭނާ އިތުރަށް ވިދާޅުވީ ސާފު ބޯފެނާއި ނަރުދަމާގެ ޚިދުމަތާއި އަމިއްލަ ވިޔަފާރިތައް ހިންގުމާއި ވިހެއުމުން ދޭ ޗުއްޓީ އާއި އަންހެން މީހާ ވިހެއުމުން އެހީވުމަށް ފިރިމީހާއަށް ދޭ ޗުއްޓީ އާއި ތަޢުލީމީ ގޮތުންނާއި ސިޔާސީ ގޮތުން، ރައީސް ޞާލިޙުގެ ސަރުކާރުން އަންހެނުން ބާރުވެރިކުރުވައިފައިވާ ކަމަށެވެ.
ރޮޒައިނާގެ ވާހަކައިގައި ސަރުކާރުގެ ސިޔާސަތުތަކުން ފައިދާވި އެކި އަންހެނުންގެ މިސާލުތައް ނެންގެވިއެވެ.
ހުރިހާ ދިވެހިން ކަނބަލުން ޑރ މުޢީޒަށް ވޯޓްލާ ވޯޓް ފޮށިތަށް ފުރާލަންވީ ، އަމާން އުފާވެރި ދިވެހިންގެރާއްޖެ ޔަށް ދިއުމައްޓަކައި، 5 އަހަރުގެ ވެރިކަން ނިމޭއިރު މިރާއްޖޭގައި އެއްވެސް އަނިޔާވެރި ކަމެއްވެސް ބަލާވެރިކަމެއްވެސް ނޯނާނެ ، މުޅި ޤައުމު އޮންނާނީ ޢަދުލުވެރިކަމުން ފޮޅިފައި އެންމެން އުފަލުން ހިނިތުންވެފައި އެކަކު އަނެކަކާއި ސަލާންގަލާން ކުރާނީ އުފަލުން !