މުނައްވަރުގެ ތާއީދު މުއިއްޒުއަށް
މި އަހަރުގެ ރިޔާސީ އިންތިޚާބުގައި ވާދަކުރައްވާނެކަމަށް ކުރިން އިއުލާން ކުރެއްވި ކުރީގެ ބަންޑާރަ ނައިބު ޑރ.މުޙައްމަދު މުނައްވަރު ޕީޕީއެމް/ޕީއެންސީގެ ކެންޑިޑޭޓު ޑރ.މުޙައްމަދު މުޢިއްޒަށް ތާއީދު ކުރައްވަން ނިންމައިފިއެވެ.
ޑރ.މުއިއްޒުއަށް ތާއީދު ކުރައްވަން މުނައްވަރު ނިންމެވި އެންމެ ބޮޑު އެއް ސަބަބަކީ، އިންތިޚާބުގައި ވާދަ ކުރައްވާ 8 ކެންޑިޑޭޓުންގެ ތެރެއިން، ރާއްޖޭގެ ކަނޑުގެ ސަރަހައްދުން ބައެއް ގެއްލޭގޮތަށް ސަރުކާރުން ނިންމާފައި ނިންމުމާއި ދެކޮޅަށް އެންމެ ބޮޑަށް އަޑުއުފުއްލެވި ބޭފުޅަކީ އިދިކޮޅު ކޯލިޝަންގެ ކެންޑިޑޭޓް، ޑރ.މުއިއްޒުކަމަށް ވުމެވެ.
އަދި މިކަމުގައި އެންމެ ބޮޑު އިސްނެންގެވުމެއް ނަންގަވައި ބޮޑު ހަރަކާތްތަކެއް ބޭއްވެވީ ޕީޕީއެމް، ޕީއެންސީން ކަމަށް މުނައްވަރު ފާހަގަ ކުރެއްވިއެވެ.
މުނައްވަރަކީ، ކުރީގެ ރައީސް މައުމޫން އަބްދުލްޤައްޔޫމްގެ ވެރިކަމުގައި ބަންޑާރަނައިބުގެ މަޤާމް 10 އަހަރު ފުރުއްވެވި ބޭފުޅެކެވެ.
ރާއްޖޭގައި ތިއްބެވި ޤާނޫނީ ދާއިރާގެ އެންމެ ތަޖުރިބާކާރު ބޭފުޅުންގެ ތެރޭގައި އޭނާ ހިމެނެއެވެ.
އަމިއްލައަށް ކުރިމަތިލިޔަސް ތިރީހަކަށް ވޯޓަކަށްވުރެން ގިނައިން ނުލިބޭނެ ފަރާތެއްގެ ތާއީދެއް މުހިންމެއް ނޫނެވެ. މިއީ ހަބަރެއްވެސް ނޫނެވެ. މިއުޅެނީ މަގާމެއްގެ ދަހިވެތިކަމުގައެވެ.