މި ސަރުކާރު ގެންނަން ޖޭޕީ ބައިވެރިކުރިނަމަވެސް، ކަންކަން ނިންމިއިރު "ހޭވެސް" އަހާނުލާ: ޤާސިމް
ރައީސް އިބްރާހިމް މުޙައްމަދު ޞާލިޙުގެ ސަރުކާރު ގެންނަން ޖުމްހޫރީ ޕާޓީން (ޖޭޕީ) ބައިވެރިވިނަމަވެސް، ކަންކަން ނިންމިއިރު އެ ޕާޓީގެ އެއްވެސް ލަފަޔެއް ނުހޯދާކަމަށް ޖުމްހޫރީ ޕާޓީގެ ރިޔާސީ ކެންޑިޑޭޓް، ޤާސިމް އިބްރާހީމް މިއަދު ވިދާޅުވެއްޖެއެވެ.
ޤާސިމް މިހެން ވިދާޅުވީ ށ.ފޭދޫގައި ސަޕޯޓަރުންނާއި ބައްދަލުކުރައްވައި، ވާހަކަ ދައްކަވަމުންނެވެ. އެގޮތުން، މި ސަރުކާރުން ލޯނުގެ އަދަދު އަނބުރައި ނުދެއްކޭވަރަށް ލޯނު ނަގާފައިވާކަމަށާއި ހުރިހާ ލޯނެއް ނެގީ އިންޑިއާއިން ކަމަށް އެމަނިކުފާނު ވިދާޅުވިއެވެ. އަދި 3، 4 އަހަރުގެ ތެރޭގައި ގާތްގަނޑަކަށް 3 ބިލިއަން ޑޮލަރަށްވާ ވަރަށް ލޯނު ނަގާފައިވާކަމަށާއި އެއްފަހަރާ އެ ލޯނުތައް ދެއްކޭނެގޮތެއް ނެތްކަމަށްވެސް ޤާސިމް ވިދާޅުވިއެވެ.
"ކޮން ކަމަކާތޯ؟ އެ ދައްކަން ޖެހޭ ދުވަހު އަންނައިރު 2025ގެ ފަހުކޮޅުން 2026ގެ ފެށޭތަނުން 1 ބިލިއަން ޑޮލަރު އެއްފަހަރަކާ ދައްކަންޖެހޭ. ކޮންތާކުންތޯ އެ ލާރި ހޯދަނީ. ދެން ކިހިނެއްތޯވާނީ އެ ލޯނު ނުދެއްކުނީމާ، ވާނެ ގޮތް އެނގިވަޑައިގަންނަވާތޯ. ލޯނު ނުދެއްކުނީމަ ދަނީ ޝަރީއަތަށް ދެއްތޯ؟" ޤާސިމް ވިދާޅުވިއެވެ.
ލޯނު ނުދީގެން ރާއްޖޭގެ އެއްބައި ދިނުމަށް ޝަރީއަތް މެދުވެރިކޮށް ވިދާޅުވެއްޖެނަމަ، އެކަންވެސް ކުރައްވަންޖެހޭނެ ކަމަށް ފާހަގަކުރައްވަމުން ޤާސިމް ވަނީ އެވަރަށް މި ސަރުކާރުން ލޯނު ނެގީ ރައްޔިތުން މަކަރުވެރިކަމުގެ ދަންމަޅީގައި ޖައްސަންތޯ ސުވާލުކުރައްވާފައެވެ.
"އެހެންވީމާ މީގެ ސުވާލަކީ މަކަރުވެރިކަމުގެ ދަންމަޅިއެއްގައި އަޅުގަނޑުމެން ދިވެހިނ ޖައްސަންތޯ މިވަރަށް މި ލޯނު ނަގައިގެން މިކަން މިކުރަނީ، އެދެއްކޭނެ ހާލަތު ނެތި. މި ނެގި ހުރިހާ ލޯނުގެ ތެރެއިން އެއްވެސް ލޯނެއް ދިވެހިރާއްޖޭގެ އާމްދަނީ އިތުރުވާނެ އެއްވެސް ކަމެއް ކުރަން އެންމެ ބައިލާރިވެސް ޚަރަދުކޮށްފައި ނެތް. އެންމެ ބައި ލާރިއެއްވެސް. ކޮން އިޤްތިސާދެއް ދަންނަ މީހެއްތޯ މިއީ އަޅުގނޑުގެ ސުވާލަކީ" ޤާސިމް ވިދާޅުވިއެވެ.
އަދި މިއީ ގައުމެއް ކުރި އަރުވަން ދަންނަ ސަރުކާރެއް ނޫންކަމަށާއި މި ސަރުކާރު ގެނައުމަށް ޖޭޕީން ބައިވެރިވިނަމަވެސް ކަންކަން ނިންމި އިރު މި ސަރުކާރުން އަމަލުކޮށްފައިވަނީ ވެވުނު އެއްބަސްވުންތަކާއި ޚިލާފަށްކަމަށްވެސް އެމަނިކުފާނު ވިދާޅުވިއެވެ.
"މިހެން ދަންނަވާއިރުވެސް އަޅުގަނޑުމެން އޭގަ ބައިވެރިކޮށްފައި އޭ މިތިބީ. އަޅުގަނޑުމެން ކުރެން ހޭވެސް އަހާނުލާ، ހޭވެސް، އެކަމަކު ފުރަތަމަ ލިޔެފައިން އަހުދުނާމާގައި ސޮއިކޮށްފައިވަނީ ވައުދާއި އަހުދުވެފައިވަނީ އަޅުގަނޑުމެން ޕާޓީތަކުގެ ލީޑަރުންނާއި މަޝްވަރާކޮށްގެން އެއްބަސްވާގޮތެއްގަިގެ މަތިން ނޫނިއްޔާ ޚާއްސަގޮތެއްގައި ގައުމުގެ ސަލާމަތްކަމާއި އަމާންކަމުގެ އެއްވެސް ދާއިރާއަކަށް އެއްވެސް ގޮތެއް ނަހަދަން ޖުމްލަ ކޮށް އެއްވެސް ބޮޑުކަމެއް ނުކުރަން" ޤާސިމް ވިދާޅުވިއެވެ.
އެހެންނަމަވެސް، ދުވަހެއް ދުވަހަކަށް މި ސަރުކާރުން ޓެކްސް އިތުރުކުރައްވާކަމަށާއި ދުނިޔޭގެ އެންމެ ގިނައިން ޓެކްސް ނަގާ ގައުމުތަކާއި އެއްވަރުވާއިރުވެސް އަދިވެސް ސަލާމަތެއްނެތްކަމަށް ޤާސިމް ވިދާޅުވިއެވެ. އަދި ކުރިއަށް އޮތް އިންތިޚާބުގެ ވޯޓު ލައި ނިމުނީމައި ރައްޔިތުންގެ މަޖިލިސް އިންތިޚާބު ނިމެންދެން ރައީސް ޞާލިޙު މަޑުން ހުންނަވާނެކަމަށާއި އެފަހުން ދެން ޓެކްސްގެ ބިލް ބައްލަވަން ރައްޔިތުން ތިއްބެވުމަށް ޤާސިމް ގޮވައިލެއްވިއެވެ.
"ބައްލަވާލައްވަން ހުންނަވާ، އާ! ފެލާލާނަން، އިނގޭތޯ ފެލާލާނަން، ބައްލަވަން ހުންނަވާ. އާން، ނޫނީވާ ގައުމު ވިއްކާލަން ޖެހޭނީ" ޤާސިމް ވިދާޅުވިއެވެ.
މީގެ އިތުރުން، ރައީސް ޞާލިޙު ވެރިކަމަށް ގެންނަން ވަކި ޤައުމެއްގެ ބަޔަކު މަސައްކަތްކުރާ މިންވަރު ރައްޔިތުންނަށް ވިސްނޭނަމަ މިގޮތަށް މަޑުން ނުތިއްބަވާނެކަމަށާއި ޤާސިމަށް ރާއްޖެ ދޫކޮށް އެހެން ޤައުމަކަށް ވަޑައިގެންނެވިދާނެކަމަށާއި، އެކަމަކު ކޮންމެ ދިވެއްސަކަށް އެހެން ނުދެވިދާނެކަމަށް ފާހަގަކުރައްވަމުން ޤާސިމް ވިދާޅުވީ މި އިންތިޚާބުގައި ޤާސިމްގެ ނަޞޭޙަތް އަޑު ނާއްސަވައިފިނަމަ، ދިވެހިން ތިބެންޖެހޭނީ ބައެއްގެ އަޅުންނަށް ވެގެންކަމަށެވެ.
ޢަހަރުމެން ރައްޔިތުންނަށް ކަމެއްކޮށް ދެވޭނީ ގެންގުޚޭ މުވައްޒަފުންނަށް ދޭން ޖެހޭ މުސާރައާއި އުޖޫރަ ދީފަ އޭގެ ފަހުން. ހުސް މަކަރާ އޮޅުވާލުން.
މިއަދާއި ހަމައަށް ރިޔާސީ އިންތިޚާބުގެ ނަތީޖާ: 1. މުއިއްޒު 33 ހާސް 2. އިބޫ 30 ހާސް 3. ގާސިމް 19 ހާސް 4. އިލްޔާސް ލަބީބު 9500 5. ކާރނަލް ނާޒިމް 5 ހާސް 6. އުމަރު ނަސީރު 2 ހާސް 7. ފާރިޝް 100 8. ޒަމީލު 8 ވޯޓް. މިތަނުން މުއިއްޒު ވަނީ އާދައާއި ޚިލާފު ކުރިއެރުން ހޯދާފައި އިބޫ ވަނީ ދެވަނަ އަށް ސޮއްސާލާފައި ގާސިމް ދަނީ މަޑުމަޑުން އަރަމުން ގާސިމަށް މާލެ ސަރަހައްދުގައި ކެމްޕެއިން ނުކުރެވުން އެއީ ކުރިނާރާ ކަމަކީ މާލެ ސަަރަހައްދުން އަރާކުރިއެރުން އާރުލާނީ އެކަން ގާސިމަށް ނުކުރެވޭ ރަނިންގް މޭޓާއި އަދި އެޑްވައިޒަރުން މުޅި ރާއްޖެ އަށް ފެތުރިލާ އަދި މަޝްހޫރު އޮން ލައިން ނޫސް ތަކުން ޕޭޖް ވެސް މިއޮތް 20 ދުވަހަށް ގަނެލަންވީއޭ އެއިރުން ކެމްޕެއިން ރަނގަޅަށް ކުރެވޭނީ…
މިފަހަރު ރިޔާސީ އިންތިޚާބުގައި ދެވަނަ ބުރެއް އޮންނާނެއޭ އެންމެ މޮޅަށް ރައީސް އިބޫގެ ވޯޓް ތައް އިދިކޮޅަށް ސޮހިގެންދާ ގޮތަށް ކެމްޕެއިން ކުރަނީ ކެނެރީގެ ނަޝީދު މަމެންނަށް ފާހަގަ ކުރެވޭ ގޮތުގައި ޕޮލިޓިކަލް ސައެންސް މަސައްކަތް ކުރާ ގޮތް ދަސްކޮށްގެން ކެނެރީގެ ނަޝީދު އެކެމްޕެއިން ކުރަނީ ދަ ޑިމޮކްރެޓްސް ނަމުގައި އެކެމްޕެއިން ހަމަ ވަރަށް މޮޅު ޓީވީ ތަކަށާއި މީޑިއާ ތަކަށް އެކެމްޕެއިންގެ ޚަބަރު ތައް ނައި ނަމަވެސް އެތެރެ ބަލާއިރު އެމްޑީޕީ އަށް ބޮޑު ގެއްލުން ވަމުންދަނީ ކެނެރީގެ ނަޝީދު އެބަ ހަދާ ހިސާބު ދެވަނަ ބުރު ގައި އަންނާނެ ނަތީޖާ ވެސް ވަރަށް ރަނގަޅަށް ދެވަނަ ބުރެއް އޮންނާނެ އެއީ ޔަގީން ކަމެކޭ…
ވައުދު ފުއްދޭ މިންވަރު ބުނަން ޖެހޭނީ ތިންވަނަ ފަރާތަކުންނޭ ފުއްދާ މީހާ އަމިއްލަ އަށް ނޫނޭ އެއީ ބައިނަލް އަގްވާމީ ކޮރަޕްޝަންގެ ހަމަތަކާއި ޚިލާފު ކަމެކޭ މިއަދާއި ހަމައަށް ރިޔާސީ އިންތިޚާބުގެ ނަތީޖާ އަށް ބަލާއިރު ރައީސް އިބޫ ވަނީ ސޮއްސާލާފައި 1. މުއިއްޒު 33 ހާސް 2. އިބޫ 30 ހާސް 3. ގާސިމް އިބްރާހިމް 19 ހާސް 4. އިލްޔާސް 9500 5. ކާރނަލް ނާޒިމް 5 ހާސް 6. އުމަރު ނަސީރު 3 ހާސް 7. ފާރިޝް 100 8. ޒަމީލް 8 ވޯޓް. އިބޫ ދަނީ ދަށަށް ގާސިމްވެސް ދަނީ މައްޗަށޭ ދާ މިންވަރު މަޑީ މުޅި ރާއްޖޭގައި އެއް ފަހަރާ ކެމްޕެއިން ޖައްސަން ގާސިމް އެބަޖެހޭ މިއަދުން ފެށިގެން ވަގުތު ނެތޭ ވަގުތު ވަނީ ވަރަށް ކުޑަތަން ވެފައޭ…
ރާއްޖެ މިއޮތީ ބޯ ނުހިކޭ ވަރަށް ދަރާ ވިކިފައި އިންޑިއާ އަށް މިއަހަރު ނިމޭއިރު 1 ބިލިއަން ޑޮލަރު އެބަޖެހޭ ދައްކަން ދަރަނީގެ ގޮތުގައި ދެން ރައީސް ކަމުގެ މަގާމް ގައި ހުރެގެން ރިޔާސީ ކެމްޕެއިން ކުރަމުން ރައީސް ކަމުގެ މަގާމް ގެ ނާޖާއިޒު ފައިދާ ނަގައިގެން ނުލިބޭ ފައިސާ އަކުން ދައުލަތުގެ މުވައްޒަފުންގެ މުސާރަ %40 ބޮޑުކުރާނަމޭ ބުނުން އެއީ ހެޔޮވާވަރުގެ ކަމެއް ނޫނޭ ވެރިކަމުގެ ދަހިވެތި ކަމުގައި ރައްޔިތުން އަވަދިކުރަނީއޭ އެއިރުން ޓެކްސް ނަގާނެއޭ %40 އަަށް ބޮޑުކުރާނެއޭ ރައީސް އިބޫ މިހާރު އެހެރީ ވެރިކަމާއި ހެދި ހޭދެބައި ވެފައޭ ކޮބާތޭ އޭސީސީ ކޮބާތޭ ކެނެރީގެ ނަޝީދު މިގަމާރު މައިތިރި ކުރާށޭ މިގަމާރު ރާއްޖޭގެ ދުވަސް ދުއްވާލަނީއޭ…
އަދާއި ހަމައަށް ރިޔާސީ އިންތިޚާބުގެ ނަތީޖާ 1. މުއިއްޒު 34 ހާސް 2. އިބޫ 30 ހާސް 3. ގާސިމް އިބްރާހިމް 19500 4. އިލްޔާސް 8500 5. ކާރނަލް ނާޒިމް 4500 6. އުމަރު ނަސީރު 2000 7. ފާރިޝް 90 8. ޒަމީލު 10 ވޯޓް. މިތަނުން ވަރަށް ބޮޑަށް ކުރިއެރުން މުއިއްޒު ދަނީ ހޯދަމުންނޭ ދެވަނަ އަށް ދެން ކުރިއެރުން ގާސިމް ހޯދާ ކަމަށް ފެނޭ ގާސިމްގެ ކެމްޕެއިން މުޅި ރާއްޖެ އަށް ފުޅާކޮށް މާލޭގައި ޑޯރ ޓު ޑޯރ ޖެއްސޭނަމަ ވަރަށް ބޮޑަށް ކުރިއަރާނެއޭ ގާސިމް މެނިފެސްޓޯ އެންމެ ރަނގަޅީ މުއިއްޒު އަށް ވުރެން މާބޮޑު ތަން ގާސިމްގެ މެނިފެސްޓޯ ރަނގަޅު ގެދޮރުގެ ސިޔާސަތު ވެސް ވަރަށް ރަނގަޅު ގާސިމް މެނިފެސްޓޯގައި…
ސަރުކާރުން އެހުރިހާސަކަރާތެއް ޖެހިއިރު އެހެންވެތަ ސޭޓު މިހާތަނަށް އަނގައިން ނުބުނެ އިނީ.ަ