ޤާނޫނާ ޚިލާފަށް ކަމެއް ކުރަން ބުންޏަސް ނަހުލާ އެކަމެއް ނުކުރައްވާނެ: ޤާސިމް
މި ސަރުކާރުގެ ކެބިނެޓުގައި ޖުމްހޫރީ ޕާޓީ (ޖޭޕީ)ގެ ސްލޮޓެއްގައި ޓްރާންސްޕޯޓު މިނިސްޓަރުގެ މަގާމު ފުރުއްވާ އައިޝަތު ނަހުލާ ޤާނޫނާއި ޚިލާފަށް އެއްވެސް ކަމެއް ނުކުރައްވާނެކަމަށް އެކަމަނާގެ ފިރިކަލުން އަދި ޖޭޕީގެ ލީޑަރު ޤާސިމް އިބްރާހިމް ވިދާޅުވެއްޖެއެވެ.
ކުރިއަށް އިތް ރިޔާސީ އިންތިޚާބުގެ ކެމްޕޭނަށް ރަށްރަށަށް ކުރައްވަމުން ގެންދަވާ ދަތުރުފުޅުތަކުގައި ނ. އަތޮޅަށް ވަޑައިގެން އެ އަތޮޅު ލަންދޫގައި ބޭއްވި ޖަލްސާއެއްގައި ވާހަކަފުޅު ދައްކަވަމުން ރައީސް ޞާލިޙް ވިދާޅުވީ އަނބިކަނބަލުން އެ މަގާމުން ވަކިކުރިޔަސް ނުވަތަ އަމިއްލައަށް އިސްތިއުފާ ދެއްވިޔަސް އެއްވެސް މައްސަލައެއް ނެތްކަމަށާއި ދެހާސް އަށާވަރަ ވަނަ އަހަރުގެ އިންތިހާބު އެމްޑީޕީ އިސްވެ އޮތް ކޯލިޝަނުން ކާމިޔާބުކުރިއިރު ޖޭޕީއަކީ މުހިންމު ބައިވެރިޔެއްކަމަށެވެ.
އަދި ރައީސް ޞާލިޙް ވެރިކަމާ ހަވާލުވެވަޑައިގަތުމަށް ފަހު ކެބިނެޓު ވަޒީރެއްގެ ގޮތުގައި ނަހުލާ އައްޔަން ކުރެއްވިއިރު މިހާތަނަށް ވެސް ހުންނެވީ އެ މަގާމުގައި ކަމަށްވާއިރު، އެމްޑީޕީގެ ޓިކެޓުގައި ރައީސް ޞާލިޙް ވާދަކުރައްވާއިރު ޖޭޕީގެ ޓިކެޓުގައި ވާދަކުރައްވަނީ ޤާސިމް އެވެ.
އިންތިޚާބަށް ދުވަސް ކުޑަތަންވެފައިވާއިރު ނަހުލާ ގެންދަވަނީ އަމަލީ ގޮތުން ޤާސިމްގެ ކެމްޕޭނުގައި ހަރަކާތްތެރިވަމުންނެވެ. އެހެންކަމުން ވާދަވެރި ކެންޑިޑޭޓެއްގެ ކެބިނެޓު މަގާމުން އިސްތިއުފާ ނުދީ ނަހުލާ ކެމްޕޭނުގައި އުޅުއްވާތީ އެކަމަނާއަށް ފާޑުކިޔުން ވެސް އަމާޒުވެފައިވެ އެވެ.
"ބައެއް ބޭފުޅުން އެބަ ވިދާޅުވޭ ގާސިމްގެ އަންހެނުން މިހާރު ވެސް ޓްރާންސްޕޯޓު މިނިސްޓަރޭ, އައިޝާ. ޓްރާންސްޕޯޓު މިނިސްޓަރު ކަމުން, އަޅުގަނޑުމެން މި ވެރިކަން ގެނައީ. މިހާރު ވެސް ޓްރާންސްޕޯޓު މިނިސްޓަރު ކަމުގައި އެ ހުންނަވަނީ. ގާނޫނާ ހިލާފަށް ކަމެއް އެންގިޔަސް އޭނަ ނުކުރާނެ," ޤާސިމް ވިދާޅުވިއެވެ.
އަދި އެމަނިކުފާނު ވިދާޅުވީ ޤާނޫނު އަސާސީގައިވާ ގޮތުގެ މަތީން ނަހުލާ ވަކިކުރާނަމަ ކުރަންވީ ކަމަށާއި އެކަމަކާ އެއްވެސް ވަރަކަށް ބެހިވަޑައިނުގަންނަވާނެކަމަށެވެ. އަދި ޤާނޫނާއި ޚިލާފު އެއްވެސް ކަމެއް ނަހުލާ ނުކުރައްވާނެ ކަމުގެ ފުރިހަމަ ޔަގީންކަމާއި ކަށަވަރުކަން އޮތްކަމަށްވެސް ޤާސިމް ވިދާޅުވިއެވެ.
"އެހެންވީމާ އޭނާ ހުންނާނެ ދުވަހަކު އޭނާ ހުރެފައި އޭނާ ވަކިވެވަޑައިގަންނަވަން ބޭނުންފުޅުވީމާ ވަކިވެވަޑައިގަންނަވަންވީ. ނޫނީ ރައީސުލްޖުމްހޫރިއްޔާ ކަނޑާލާނެއެއްނު ދޯ. އެ ނިމުނީނު. ކޮންމެހެން މާ ބޮޑު މައްސަލައެއް އޮތީކީ ނޫން. ބެހެއްޓިޔަސް ނުބެހެއްޓިޔަސް," ޤާސިމް ވިދާޅުވި އެވެ.
2018 ވަނަ އަހަރު ސިޔާސީ މައިދާނަށް ނަހުލާ ނުކުންނަވާފައިވާއިރު އޭރު ރައީސް ޞާލިޙަށް ތާއިދު ހޯއްދެވުމުގެ ގޮތުން ރާއްޖޭގެ ބައެއް ރަށްތަކަށް ދަތުރުކޮށް ކެމްޕޭން ކަން ފާހަގަކުރައްވައި އެކަމާއި ގުޅިގެންވެސް ޤާސިމް ވާހަކަފުޅު ދެއްކެވިއެވެ.
"ކުޑަކުޑަ ކުދިންކޮޅު ދޫކޮށްލާފައި އޭނާ [ރައީސް ޞާލިޙް] ހޮވަން ސަލާން ޖަހައިގެން މަގުމަތީގައި ދިޔައީ. ޓްރާންސްޕޯޓު މިނިސްޓްރީ ހަދާފައި ހަވާލުކުރީ އޮނިގަނޑު. އެތަނާ ހަވާލުކޮށްފައި ހުރި މަސައްކަތްތަކާއި ހުރިހާ އެއްޗެއް ކޮށައި ކުދިކޮށްފައި އޮނިގަނޑު އެބަ ހުރި ޓްރާންސްޕޯޓު މިނިސްޓްރީގައި," ޤާސިމް ވިދާޅުވިއެވެ.
މީގެ އިތުރުން، ޓްރާންސްޕޯޓު މިނިސްޓްރިއާ ހަވާލުކޮށްފައި ވަނީ ކުޑަކުޑަ މެންޑޭޓެއް ކަމަށާއި އަދި ބޮޑު މަސްއޫލިއްޔަތެއް ހަވާލުނުކުރާ ކަމަށް ފާހަގަކުރައްވަމުން ޤާސިމް ވިދާޅުވީ އެފަދަ ވާހަކަތައް ނުދައްކަވަނީ ފަސް އަހަރުގެ ދައުރެއް ސަރުކާރަކަށް ލިބޭއިރު ރައްޔިތުންގެ މެދުގައި ހަމަޖެހުން ބާއްވަން ބޭނުންވާތީކަމަށެވެ.
ތިޔަކަަަމަށް އަލީވަހީދު ހެކިވާނެއެވެ. ހެހެހެ